Apocalipsis 15:3 - Diosbuj Shimi - Mushuj Testamento (Quichua Salasaca)

³ Paigunami Diosbujta ruruj Moisesbuj cantoda shinaidi Malta Ovejaj cantodash kishna nisha cantagaguna: “Tukida ruri pudij Manduj Dioslla, tuki Kan rurushkagunaga k'uilla shinaidi jatunmi gan. Llaktagunada jatun manduj Dioslla, Kambuj ñangunaga alli shinaidi kabishkami ganguna.

Apocalipsis 15:3 Iomraidhean Croise

Juan 1:17

Diosga mandushkagunadaga Moisesmumi kuga, ashtanbish k'uyidash, kabishka parludash Jesucristomundami japishkanchi.

1 Timoteo 1:17

Shinushaga jatun na tukuribuj Mandaj, na wañuj, na rikibuj, shujlla Diosta nishkaga na tukuribuj chashna gachun.

Hebreos 3:5

Moisesga Diosbujta rurajlla gashkamundami tuki Diosbuj wasibi ima ruranadash alli p'aktachiga. Pai ruranaga Dios imalla parlana gashkada yachi chayachisha shujkunamu parlajmi gaga.

Apocalipsis 1:8

Tukida imadash ruri pudij, kununbish sarunbish tiyaj k'ipallash shamuna Mandaj Diosga, “Alfa laya kallarichij, Omega shina tukurichijkishmi gani,” nishami nin.

Apocalipsis 11:17

kashnami nigaguna: “Tukida ruri pudij Manduj Dioslla, Kanlladimi kununbish gangui, sarunbish kanlladimi gagangui, Kan tukida ruri pudinanmi mandungaj kallarishkangui. Chimundami Kandaga ninchi.

Apocalipsis 14:3

Shinaidi paigunaga mandusha tiyarina ñaubukish, kausida charij chuskugunaj ñaubukish, yuyijkunaj ñaubukishmi mushuj cantanada cantagaguna. Kai pachabi gajkunapuramunda Dios randisha kishpichishka patsuj chusku chunga chusku warangagunallami chi cantanadaga yachugaguna; shujkunaga maijinbish na yachi pudigachu.

Apocalipsis 14:8

Chi k'ipa katij shuj angelmi, “Babilonia shuti jatun puebloga ña urmashkami; chi puebloga vinoda ubiachij shina tuki llaktagunamu pai layaidi wainayachun yachachishkamunda urmashkami,” niga.

Apocalipsis 17:14

Shinami Malta Ovejan takanukungu ringaguna. Shina gakish chi Malta Ovejaga amogunadash yalli jatun Amo, mandujkunadash yalli jatun Manduj gashami Dios agllusha kayushka tuki shungun crijkunandij chigunada vincinga.”

Apocalipsis 19:16

Paibuj jawa churanabi changa kinribi, “Mandujkunadash yalli jatun Manduj shinaidi amogunadash yalli jatun Amomi gan,” nisha escribishkadami chariga.

Apocalipsis 19:2

Pai llakichishkagunaga na yangamundachu, ashtangarin kabishkada rurushkami gan. Wainayashalla kausuj warmidaga juchachishka. Shina wainayashami kai pachabi kausujkunada juchabi urmachishka; shinaidi Diosbujta rurusha kausujkunada wañuchishkamundashmi chi warmidaga llakichishka.”

Apocalipsis 4:8

Kausida charij chi chuskugunaga tukigunami sujta alista charigaguna, chigunabiga washamush uku ladumush ñawi lulunguna jundalladigunamiga. Tutash p'unllash paigunaga, “¡Tukida ruri pudij Manduj Diosga, Paiga jucha illuj, jucha illuj, jucha illujmi gan, sarunbish kununbish, shinaidi k'ipa p'unlla shamunash Pailladimi gan!” nigugallagunami.