Apocalipsis 14:7 - Diosbuj Shimi - Mushuj Testamento (Quichua Salasaca)

⁷ Chibimi jinchida kaparishaga, “Diosta manchichi nichi; ñami ima rurushkada rikusha juchachina uraska chayamushka, shinaidi jawa pachadash kai pachadash, jatun yaku kuchadash, yaku p'ugyugunadash Rurujta nichi,” niga.

Apocalipsis 14:7 Iomraidhean Croise

Mateo 25:13

Jesusga kaidashmi niga, “Shinushaga ima p'unlla ima uras shamunada na yachushkamundaga yuyin chapanguichi.”

Lucas 17:18

Kai na israel-llami Diosta ‘¡Kanga allimingui!’ ningu vueltamushka.”

Hechos 14:15

“Taitaguna ¿imasha shina rurunguichi? Ñukuchikish kanguna layalladi gentegunami ganchi. Ñukuchiga Alli Shimida kusha kangunamu nishaga ningumi shamuganchi.

1 Pedro 4:7

Tuki imalla tiyajkuna tukurina p'unllaga ña chayamugunmi. Chimunda Diosta alli mañariangujka na killanachishalla yuyi japishka gaichi.

Apocalipsis 11:13

Chi ratuidimi manchanaidi achpa ch'ujchuga, shina ch'ujchukimi chi puebloda chungabi chaubishkamunda shuj partiga urmuga, shinaidi kanchis warunga (7.000) gentegunami wañugaguna; chaishuj kausajkunaga mancharishaidimi jawa pacha Diosta nigaguna.

Apocalipsis 11:18

Tuki llaktamundagunami manchanaidi p'iñarishkaguna, ashtanbish Kan p'iñarina p'unlla, wañushkagunada kauzayuj na kauzayuj gashkada rikuchina p'unllami chayamushka. Kan Dios nishkada parlusha sirvijkunamu, Diosbujlla linshashkagunamu, Kambuj shutida manchujkunamu, uchillagunamush, jatungunamush kumbidanada kunguimi, shinaidi kai pachada tukuchishtajkunadash tukuchishtanguimi.”

Apocalipsis 15:4

Mandajlla, ¿pidi Kandaga na manchungari? nishash ¿pidi na ningari? Kanllami ima juchash illuj gangui; Kan kabishkada rurushkagunada rikuchij gashkamunda tuki llaktagunamunda shamusha Kandaga ningaguna.”

Apocalipsis 16:9

Chimunda gentegunaga manchanaidi rupibi rupugaguna; shina rupushka gashash juchada sakisha Diosmu na vueltagagunachu, Diosta nishash na nigagunachu. Ashtangarin kai llakigunada kachi pudij Diosbuj shutida imakish na valichishami rimagaguna.

Apocalipsis 18:10

Shina llakichishkamunda mancharishami karullabi sakirisha, “¡Ay, ay, jatun Babilonia pueblolla, yalli jinchi pueblolla! Kanda llakichinaga kungushkadami chayamushka,” ningagunami.

Apocalipsis 18:17

¡Shuj ratullabimi chi manchanaidi charishkaga tukurishka!” Shinaidi jatun barcogunabi tukida mandujkunash, shuj pushtugunamu barcobi purijkunash, barcoda purichijkunash, jatun yaku kuchabi mashnalla trabajajkunashmi karubi shayarisha

Apocalipsis 18:19

Shinaidi manchanai llakin wakusha paigunaj umabi yugzi achpan tallirishaga, “¡Ay, ay jatun pueblolla! Kan pachun charishkanmi yaku kuchabi barcoyujkunash charij tukugaguna. ¡Shina gashash shuj ratuwallabimi tukuchishtashka!

Apocalipsis 19:5

Mandusha tiyarinamunda shuj rimarishka uyarisha: “¡Ñukuchij Diostaga tuki kanguna uchillagunash jatungunash Diosbujta tuki rurujkuna, Paida tuki manchujkuna nichi,” niga.

Apocalipsis 4:11

“Ñukuchida Manduj Dioslla, Kanmi tuki ima tiyashkadash rurushkangui; Kambuj munimundami imalla tiyajkunash tiyan, imalla rurarishkagunash rurarishka. Shinushami Kandaga ‘K'uillami gangui, allimi gangui, tukida ruri pudijmi gangui’ nisha ninaidimi kabin.”

Apocalipsis 4:9

Ima urash na tukuribuj kausida Charij chi tiyarinabi Tiyajtaga, kausida charijkunaga nisha nigukimi,

Apocalipsis 8:10

Ishkida katij ángel paibuj buzinada tukukiga jawa pachamunda shuj jatun luzeromi kaspibi nina japichishka shina kinsabi chaubishkamunda shuj parti jatiyakugunabi p'ugyu yakugunabish urmuga.