Apocalipsis 13:6 - Diosbuj Shimi - Mushuj Testamento (Quichua Salasaca)

⁶ Shina sakikimi Diosta p'iñasha, Paibuj shutida, Paibuj wasida shinaidi jawa pachabi kausujkunadash Diosta na valichij shimigunan rimuga.

Apocalipsis 13:6 Iomraidhean Croise

Mateo 12:34

¡Culebra shina millida rurajkunaminguichi! Kanguna na alliguna gashkamunda ¿ima layadi alligunada ni pudinguichiri? Shungu ukubi imalla tiyashkadami shimimundaga parlun.

Mateo 15:19

Ashtanbish shuj gentej shungumundaga llujshinmi millanai yuyiguna, wañuchina, wainayana, piyunbish siririna, shuwana, llagmusha maidash juchachina, pidash na alli shimigunan mirachisha parlanukuna.

Juan 1:14

Chi Parlashka Shimiga aicha tukushami, ñukuchin kausaga. Shujlla Churi gashkamunda Taitamunda japishka Pai k'uilladi gashkadami rikushkanchi. Pachunlladi k'uyi junda, imadash kabishkada parlujmiga.

Romanos 3:13

Paigunaj tunguriga pantiun ut'ku shina paskushkami gan; k'alluga llagmashallami parlan. Paigunaj shimibiga culebra venenomi tiyan.

Colosenses 1:19

Diosga Pailladi ima shina gashka illujta k'uidij Cristobi gangumi munaga.

Colosenses 2:9

Dios ima shina gashkaga tukimi Cristoj cuerpobi rikurigun.

Hebreos 9:2

Diosbujlla tuldushka wasiga kashnami rurashka gaga. Kallari ukuga Diosbujlla Uku nishkamiga. Chi ukubiga candelabrosh mezash Diosmu kushka tandashmi tiyaga.

Hebreos 9:24

Cristoga Diosmu ch'ikanyachishka kabishka uku ima laya gajta rikuchijlla genteguna rurashka ukumunga na waigugachu, ashtangarin jawa pachamundimi waiguga. Chibimi kununga ñukuchimunda Diosbuj ñaubuki rikuringu riga.

Apocalipsis 11:12

Chimunda chi ishki parlujkunaga, jawa pachamunda jinchida parlarisha, “Kaimu ichiyamichi,” nishkada uyugaguna. Shinami paigunada p'iñujkuna rikuguki, p'uyubi jawa pachamu ichiyagaguna.

Apocalipsis 12:12

Shinushaga jawa pachash, chibi kausujkunash kushikuichi. Ashtanbish kai pachabi kausujkuna, jatun yaku kuchabi kausujkunash ¡imachari tukunga! Pai imadash rurana p'unllaguna tukurigujta yachushami diabloga manchanaidi p'iñarishkan kangunajmu uriyashka.”

Apocalipsis 15:5

Kaiguna k'ipa rikushami jawa pachabiga Diosbuj wasi paskarijta rikugani. Chiga ari ninukushkada rikuchij Diosbuj tuldushka wasilladimiga.

Apocalipsis 18:20

Chi puebloda tukuchishkamunda jawa pachabi kausujkunash Diosbujlla gajkunash, Dios agllushkagunash, Dios nishkada parlujkunash kushiyichi. Kangunada llakichishkamundami Diosga paidash llakichishka.”

Apocalipsis 21:3

Shinaidi mandusha tiyarinamundami kashna nisha jinchida kaparijta uyugani: “Kununga Diosbuj tuldushka wasiga gentegunanmi gan; paigunanmi kausagunga, paigunaga Diosbujmi gangaguna, Dioslladimi paigunandij gasha paigunaj Dios ganga.

Apocalipsis 4:1

Chi k'ipa rikushaga jawa pachabi shuj pungu paskushkadami rikugani. Kallarimu uyushka shimilladimi buzinabi tukushka laya uyarij shimiga ñukadaga, “Kaimu ichiyami, Ñukaga kanmu kaiguna k'ipa ima tukunagunadash rikuchishami,” niga.

Apocalipsis 4:4

Shinaidi mandusha tiyarina muyundijbiga ishki chunga chusku (24) mandusha tiyarinagunada rikugani, chigunabiga ishki chunga chusku yuyijkunami tiyashkaga, paigunaga yuruj churanada churushka, umabish shuj kuri coronada churushkagunami gaga.

Apocalipsis 5:13

Shinaidimi jawa pachabi, kai pachabi, achpa ukubi, shinaidi jatun yaku kuchabish, Dios imalla rurushkagunash, tuki chigunabi tiyashkagunash kashna nijtami uyugani: “Mandusha tiyarinabi Tiyajta, Malta Ovejadash, ima urash na tukuringama nishkash, allibi churashkash, k'uilla gashkash, poderda charij nishkash gachun,” nikimi,

Apocalipsis 7:15

Shinushami Dios mandusha tiyarinaj ñaubuki gasha p'unllash tutash Diosbuj wasibi Paibujta ruranguna. Paiguna imash ama tukuchun mandusha tiyarinabi Tiyajmi Paibujlla tuldushka wasibi wakichinga.

Apocalipsis 7:9

Shina rikushka k'ipaga taugalladi pish na cuenti pudibuj tuki llaktagunamunda, tuki laya gentegunamunda, pueblogunamunda tuki laya parlubi parlujkunamunda, mandusha tiyarinaj ñaubuki, shinaidi Malta Ovejaj ñaubuki, yuruj sundij churanada churushka, ramos p'angagunada tsutsukishka shayagujtami rikugani.