Apocalipsis 12:10 - Diosbuj Shimi - Mushuj Testamento (Quichua Salasaca)

¹⁰ Chimundami jawa pachamunda jinchida parlarishkada uyagani; chi parlarishkabimi, “Ñami ñukuchij Diosga Paibujkunada kishpichina, tukida ruri pudishkan mandana p'unlla chayamushka, shinaidi Dios kachushka Cristo mandungu kallarishka; ñukuchij wauki panigunada juchachijtaga ñami llujshichisha kachashka gashka. Paimi Diosbuj ñaubuki tuti p'unlla juchachigujllaga.

Apocalipsis 12:10 Iomraidhean Croise

Mateo 26:64

Shina niki Jesusga, “Kanlladimi nishkangui. Kangunadash Ñukash ninimi, Aichayuj tukushka Churidaga Tukida Ruri Pudijbuj alli ladubi tiyajtami kunun p'unllagunamundaga rikunguichi, shinaidi jawa pachamunda p'uyubi shamujtashmi rikunguichi,” niga.

Mateo 28:18

Jesús paigunajmu kuchuyashaga, “Diosmi Ñukamunga kai pachadash jawa pachadash tuki imadash mandachun kushka,” niga.

Mateo 6:10

Kambuj mandana shamuchun. Ima layami Kan munashkada jawa pachabi rurushka gan, shinaidi kai pachabish rurushka gachun.

Lucas 11:2

Shina niki Jesús kashna niga, “Taita Diosta mañashaga kashna ninguichi: Jawa pachabi tiyaj Taitalla, Kambuj shuti nishka gachun, Kambuj mandana shamuchun.

Lucas 22:31

Mandaj Jesús kashna niga, “Simón, trigoda shushuj shinami alli gaj na alli gajta rikungu kangunadaga Satanasga mañashka.

1 Corintios 5:4

Kanguna, ñukaj espiritun shinaidi Manduj Jesusbuj tukida ruri pudinan tandanukushaga Mandaj Jesusbuj shutibi,

2 Corintios 12:9

Shina mañakish Manduj Jesusga, “Ñuka kushka alligunada charishkan imadash ña na ministinguichu. Ñukaj ruri pudinaga na ruri pudijkunabimi tukida alli p'aktachichin,” nigami. Shinusha, Cristoj ima ruri pudina ñukabi gachun ñuka na ruri pudishkagunamundagarin nishami.

Tito 2:3

Shinaidi yuyij warmigunadash, crij gashkada alli rikuchij, pidash na murmuraj, ubianada na saki pudij ama gachun shinaidi alligunada yachachij gachun yachachi.

1 Pedro 5:8

Kangunada na rikunachij diabloga kaningudi niguj león shina, maijindash mikushtangu saltik'ichushaidimi mashkagun. Shina gashkamunda na alligunamunda jarkarisha yuyillandi puringuichi.

Apocalipsis 11:15

Sujtaj k'ipada katij ángel buzinada tukukiga, jawa pachamunda jinchida parlarisha kashna nishka shimiguna uyariga: “Kai pachada mandanaga ñami ñukuchida Manduj Diosbuj shinaidi Pai agllashka Cristoj gan, shinaidi Paiga ima urash na tukuringamami mandunga.”

Apocalipsis 2:26

Na alligunada maijin mishusha Ñuka munushkallada tukuringagama p'aktachijkunamunga llaktagunada mandachunmi kusha.

Apocalipsis 7:10

Paigunaga, “Mandusha tiyarinabi Tiyaguj ñukuchij Diosbish, Malta Ovejash kishpichigami,” nisha jinchida kaparigaguna.