Apocalipsis 11:13 - Diosbuj Shimi - Mushuj Testamento (Quichua Salasaca)

¹³ Chi ratuidimi manchanaidi achpa ch'ujchuga, shina ch'ujchukimi chi puebloda chungabi chaubishkamunda shuj partiga urmuga, shinaidi kanchis warunga (7.000) gentegunami wañugaguna; chaishuj kausajkunaga mancharishaidimi jawa pacha Diosta nigaguna.

Apocalipsis 11:13 Iomraidhean Croise

Juan 9:24

Shinusha na rikuj alliyashka k'arida israelguna kutin kayushaga, “Chi k'ariga juchayuj gashkadaga ñukuchiga yachanchimi, shinushaga Diosbuj ñaubuki kabishkada parli,” nigaguna.

Hechos 1:15

Chi p'unllagunaga patsuj ishki chunga (120) shina crijkunami tandanukuga. Paigunan gashami Pedro shayarishaga kashna niga,

Apocalipsis 11:11

Shina gakish kinsa p'unlla chaubi k'ipaga kausida kuj samida Dios kachukimi kausarisha shayarigaguna; maijin paigunada rikujkunaga manchanaidimi mancharigaguna.

Apocalipsis 11:19

Chimunda jawa pachabiga Diosbuj wasi paskariga, Diosbuj wasibiga ari ninukushka arca nishka cajonmi rikurishkaga. Shinami relampagoguna, parlarishkaguna, gulun mandushkaguna, achpa kuyushkash, shinaidi manchanaidi tamia rundush tiyaga.

Apocalipsis 14:7

Chibimi jinchida kaparishaga, “Diosta manchichi nichi; ñami ima rurushkada rikusha juchachina uraska chayamushka, shinaidi jawa pachadash kai pachadash, jatun yaku kuchadash, yaku p'ugyugunadash Rurujta nichi,” niga.

Apocalipsis 15:4

Mandajlla, ¿pidi Kandaga na manchungari? nishash ¿pidi na ningari? Kanllami ima juchash illuj gangui; Kan kabishkada rurushkagunada rikuchij gashkamunda tuki llaktagunamunda shamusha Kandaga ningaguna.”

Apocalipsis 19:7

Kushiyashunchi, pachunlladi kushiyanukusha ‘Kanmi k'uilladij gangui,’ nishunchi, Malta Oveja kazarana p'unlla chayashkamunda, Paibuj warmish ña parijarishkamunda.

Apocalipsis 3:4

Shina gakish Sardis pueblobi kausujkunamunda shujkunami churanagunada na mapayachij shinaguna tiyan; yuruj churanada churarishka Ñukan puringaguna; paiguna shina purinaga kabinlladimi.

Apocalipsis 6:12

Shinaidi pichkaj jawa katij selloshkada Malta Oveja llikisha paskukiga achpa manchanaidi kuyujtami rikugani; lutusha yana churarishka shinami indish yana tukuga, lunash illujtami yaur laya puka tukuga.

Apocalipsis 8:5

Chimunda angelga inciensoda rupachinada japishaga altarbi rupaguj ninada jundachisha kai pachamu piguga; shina rurukiga manchanaidi gulun nishka, bulla rurushkaguna, relampaguna p'alanishka, shinaidi achpash ch'ujchuga.