Apocalipsis 10:5 - Diosbuj Shimi - Mushuj Testamento (Quichua Salasaca)

⁵ Chimundaga jatun yaku kucha jawabi, achpa jawabish shayarijta ñuka rikushka angelga, paibuj alli ladu makida jawa pachamu alsushaga,

Apocalipsis 10:5 Iomraidhean Croise

Hechos 14:15

“Taitaguna ¿imasha shina rurunguichi? Ñukuchikish kanguna layalladi gentegunami ganchi. Ñukuchiga Alli Shimida kusha kangunamu nishaga ningumi shamuganchi.

Hechos 17:23

Kai pueblobi purigusha kangunaj dioskunada yuyarina wasigunada rikushami altarbish nisha escribishkada rikugani. Chi Diostami na rijsishash yuyarijkuna gashkanguichi. Chi Dioslladadimi kangunamunga niguni.

Romanos 1:20

Diosmunda imalla na rikibujkunadash Pai rurashkada rikushaga yachi chayi pudinmi; kai pachada rurushkamunda pacha Paiga ima uragamash Dios gashkadash tukida ruri pudishkadash larulladimi rikunchi. Shinusha paigunaga ningumallash na pudinchu.

Hebreos 6:13

Pish Paida yalli alli jatun illashkamundami Paibuj shutillabidi, Diosga Abraham-mu <Ñuka nishkadaga p'aktachishaidimi> nishka.

Apocalipsis 1:18

Shinaidi Kausujmi gani. Wañugani, shinash kununga ima uragamash na tukuribuj kausidami kausani. Shinaidi wañimundash Hadesmundash paskana llavegunadaga Ñukami charini.

Apocalipsis 10:2

Paibuj makibi shuj utilla kururashka papelda paskushkadami apaguga; paibuj alli ladu chakidaga jatun yaku kucha jawabi, lluki chakidaga achpa jawabimi churuga.

Apocalipsis 14:7

Chibimi jinchida kaparishaga, “Diosta manchichi nichi; ñami ima rurushkada rikusha juchachina uraska chayamushka, shinaidi jawa pachadash kai pachadash, jatun yaku kuchadash, yaku p'ugyugunadash Rurujta nichi,” niga.

Apocalipsis 16:17

Sujtada katij angelga pai charishka copamundaga wairabimi tallishtaga. Wairabi tallikiga Diosbuj wasibi gaj mandusha tiyarinamundami jinchida kaparisha, “¡Ña tukuchishkami gan!” nishka uyariga.

Apocalipsis 4:11

“Ñukuchida Manduj Dioslla, Kanmi tuki ima tiyashkadash rurushkangui; Kambuj munimundami imalla tiyajkunash tiyan, imalla rurarishkagunash rurarishka. Shinushami Kandaga ‘K'uillami gangui, allimi gangui, tukida ruri pudijmi gangui’ nisha ninaidimi kabin.”

Apocalipsis 4:9

Ima urash na tukuribuj kausida Charij chi tiyarinabi Tiyajtaga, kausida charijkunaga nisha nigukimi,