Apocalipsis 1:8 - Diosbuj Shimi - Mushuj Testamento (Quichua Salasaca)

⁸ Tukida imadash ruri pudij, kununbish sarunbish tiyaj k'ipallash shamuna Mandaj Diosga, “Alfa laya kallarichij, Omega shina tukurichijkishmi gani,” nishami nin.

Apocalipsis 1:8 Iomraidhean Croise

2 Corintios 6:18

Kangunaj Taitami gasha, kutin kangunaga Ñukaj churiguna ushiguna ganguichimi,” tukida ruri pudij Mandujka ninmi.

Apocalipsis 1:11

Kashnami niguga: “Kan imada rikushkagunada shuj librobi escribisha, Asia llaktabi tiyaj Efesobi, Esmirnabi, Pergamobi, Tiatirabi, Sardisbi, Filadelfiabi, Laodiceabi chi kanchis pueblogunabi tandanukushka crijkunamu kachangui.”

Apocalipsis 1:17

Chida rikusha Paibuj ñaubuki wañushkama laya urmugani, shinash Paibuj alli ladu makida ñukaj jawabi churusha kashna niga: “Ama mancharichu. Kallarichijkish, Tukurichijkish Ñukami gani.

Apocalipsis 1:4

Ñuka Juanchumi, Asia llaktabi gaj kanchis pueblobi tandanukushka crijkunamu escribini. Kununbish sarunbish tiyaj k'ipallash shamuna Diosmunda, shinaidi Pai mandusha tiyarinaj ñaubuki gaj kanchis espiritugunamundash Dios kushka alligunash k'uilla kausish kangunan gachun.

Apocalipsis 11:17

kashnami nigaguna: “Tukida ruri pudij Manduj Dioslla, Kanlladimi kununbish gangui, sarunbish kanlladimi gagangui, Kan tukida ruri pudinanmi mandungaj kallarishkangui. Chimundami Kandaga ninchi.

Apocalipsis 15:3

Paigunami Diosbujta ruruj Moisesbuj cantoda shinaidi Malta Ovejaj cantodash kishna nisha cantagaguna: “Tukida ruri pudij Manduj Dioslla, tuki Kan rurushkagunaga k'uilla shinaidi jatunmi gan. Llaktagunada jatun manduj Dioslla, Kambuj ñangunaga alli shinaidi kabishkami ganguna.

Apocalipsis 16:14

Chigunaga pish na ruri pudishkagunada rurusha rikuchij demoniogunaj espiritugunamiga. Shinaidi tukida ruri pudij Dios llakichina p'unllajka tuki kai pachabi jatun mandujkunada takanukimu richun tandachingu llujshisha rigaguna.

Apocalipsis 16:7

Altarmundashmi, “Shinami, tukida ruri pudij manduj Dioslla, Kan llakichishkaga na yangamundachu, ashtangarin kabishkadami rurashkangui,” nishkada uyugani.

Apocalipsis 19:15

Kai pachabi tiyaj llaktagunada chugrichingumi Paibuj shimimunda shuj jilulladi espada llujshimuguga, shinaidi “jirru varanmi Paiga mandunga.” Pailladi vinoda rurusha kapij shinami uvada chakin sarunga. Chi vinoga tukida ruri pudij Dios manchanaidi p'iñarisha llakichinadami shina nin.

Apocalipsis 19:6

Chi k'ipami manchanaidi yaku jatarisha bullanij laya shinaidi urku gulun nij layada taugalladijkuna rimarishkama shina jinchilladadi kashna nishkada uyugani: “¡Aleluya! ¡Ñukuchida Manduj tukida rurujlla Diosmi mandagun; chimunda shina nishka gachun!

Apocalipsis 2:8

“Esmirna pueblobi gaj iglillaj angelmush kashna nisha escribi: Kallarichijkish Tukurichijkish, wañushka gashash kutin Kausarijka kaidami nin:

Apocalipsis 21:22

Chi pueblobiga Diosta yuyarina wasidaga na rikuganichu. Chibiga tukida ruri pudij Manduj Dioslladi Malta Ovejashmi chi wasiga gan.

Apocalipsis 21:6

Chi k'ipaga kashnami niga: “Ñami rurushka gan, Ñukami Alfa laya kallarichij, Omega shina tukurichijkishmi gani. Maijin yakunachijmunga imadash na mañushallami kausida kuj yakuda p'ugyumunda ubiachun kusha.

Apocalipsis 22:13

Ñukami kallarij Alfa shina tukurij Omega shina gani; Kallarichijkish Tukurichijkishmi gani.

Apocalipsis 4:8

Kausida charij chi chuskugunaga tukigunami sujta alista charigaguna, chigunabiga washamush uku ladumush ñawi lulunguna jundalladigunamiga. Tutash p'unllash paigunaga, “¡Tukida ruri pudij Manduj Diosga, Paiga jucha illuj, jucha illuj, jucha illujmi gan, sarunbish kununbish, shinaidi k'ipa p'unlla shamunash Pailladimi gan!” nigugallagunami.