1 Juan 1:4 - Diosbuj Shimi - Mushuj Testamento (Quichua Salasaca)

⁴ Illujlladati ñukuchi kushiyaringumi kaigunadaga escribinchi.

1 Juan 1:4 Iomraidhean Croise

Juan 15:11

“Ñuka kushiyashka laya kushilla gachun kangunaj kushilla ganash illujta p'aktushka gachunmi kaigunada parlani.

Juan 16:24

Kangunaga Ñukaj shutibi kunungamaga imadash na mañushkanguichichu. Shinusha mañichi, japinguichimi, kangunaj kushi illujta p'aktushka gachun.”

Juan 3:29

Shuj bodabiga noviada charijka noviomi gan, novion igulda gaj apanukujka novio parlushkada uyusha manchanaidimi kushiyarin; shinaidimi ñukash Jesusmunda uyusha kushilladi gani.

2 Corintios 1:24

Crishkamunda kanguna jinchi shayarijkuna gashkamundaga nisha mandungujka na ganchichu, ashtangarin kushillaguna gachunmi ayudangu munanchi.

Efesios 3:19

shinaidi chi k'uyidaga tuki yachigunadash ashtandi yalli gajta rijsi chayasha Dios ima laya gashkan illujta jundachishka gachunmi mañani.

1 Juan 2:1

Ñuka k'uyashka wawagunalla, juchagunada ama rurachunmi kaigunadaga kangunamu escribini. Shinash maijinsh juchada rurakiga, Taitaj ñaubuki killkadami charinchi; Paiga kabishkada ruraj Jesucristomi gan.

2 Juan 1:12

Kangunamu ninagunadaga milgalladadi charishash p'angabi tintallanga na escribisha ninichu. Ashtangarin ñukuchi illujta kushiyaringujka kangunandi ñawi ñawi rikunukusha parlanukungumi munani.