San Lucas 4:18 - Quechua Panao Huánuco

¹⁸ «Maquinćhu Espíritu Santu purichiman. Pishipacujcunata alli willapata willapänäpaj ćhuramasha. Caćhamasha ñacajcunata willapänäpaj, japracunapa ñawinta quićhanäpaj, juyu runapa maquinćhu cawajcunata washänäpaj.

San Lucas 4:18 Iomraidhean Croise

San Mateo 11:5

‹Japracuna ricaycanna. Wijrucunapis puriycanna. Jaraćhu jishyajcunapis allchacaycanna. Upacunapis wiyaycanna. Wañushcunatapis cawarachin. Pishipacujcunatapis Tayta Diosninchipa alli willapanta willapäcuycanna.›

San Mateo 12:18

«Mä, wiyamay. Mandu-rurajnïta quiquï acracushcä. Payta llaquï. Shungüwan sumaj tincun. Espíritu Santupa maquinćhu purichishaj. Llapan runacunata may-chayćhu juyarpis, shacyächinga: ‹Maquinćhu Tayta Diosninchi puriycächishunqui› nir.

San Mateo 12:20

Wañunächi runacunatapis alli ñawinpa ricanga. Pishipacuj wacchacunata llaquipanga. Llapan runa Tayta Diosninchipa maquinćhu alli cawananta munar, llapantapis ruranga.

San Mateo 4:16

Shunguyqui yanayash caycan juchaćhu cawashayquipita. Chaypis Washäcuj ćhayamuptin, shunguyqui achicyacäcunga. Juchata aparicushayquipita wañuy janayquićhu caycasha. Chaypis achquipäshunayquipaj Washäcuj ćhayamushana.»

San Mateo 5:3

«Pishipacujcuna, cushicärinquiman. Llapan shunguyquiwan yupachicuptiqui, Tayta Diosninchi yanapaycäshunqui. Maquinćhümi cawaycächishunqui.

San Lucas 4:17

Unay willacuj Isaías isquirbishan libruta macyaran. Libruta quićhar liguiy munashanta tarir, liguiran:

San Lucas 6:20

Purïshijnincunata ricapärir, Jesús niran: «Pishipacujcuna, cushicärinquiman. Tayta Diosninchi yanapaycäshunqui. Maquinćhu cawaycächishunqui.

San Lucas 7:22

Chaymi tapuptin, niran: «Jucta ama shuyanquimanchu. Manchäga llapan ricashayquita, llapan wiyashayquita Juanta willar ninqui: ‹Japracuna ricaycanna. Wijrucunapis alli puriycanna. Jaraćhu jishyajcunapis allchacaycanna. Upacunapis wiyaycanna. Wañushcunapis cawariycanna. Pishipacujcunatapis Tayta Diosninchipa alli willapanta willapäcuycanna.›

San Juan 1:41

Andrésna wauguin Simónta tarir, willaran: «Tayta Diosninchi acracushan Washäcujwan tincushcä» nir. «Washäcuj» ninanta hebreo rimayćhu: «Mesías» nin; Griego rimayćhüna: «Cristo» nin.

San Juan 12:46

Achqui achicyashan-jina Tayta Diosninchipa shungun yarpashanta tantiyachicunäpaj shamushcä. Yupachicamajcuna Tayta Diosninchipa maquinćhu cawanga. Mana chacajćhu-jina supaypa maquinćhu cawanganachu.

San Juan 3:34

«Tayta Diosninchipa caćhan car, shimintapis Jesús willapäcun. Sumaj yanapashpan maquinćhüpis Espíritu Santu purichin.

Hechos 10:38

Tayta Diosninchi camacächiptin, Nazaret marca Jesústa Espíritu Santu charicurcuran. Chaymi munayniyuj ricacuran. Marcan-marcan purir, allita ruraran. Supay pucllacushan runacunatapis allchacächiran. Tayta Diosninchipa maquinćhüpis cawaran.

Hechos 26:18

Willapäcur tantiyachinqui jucha aparicuypita wanacunanpaj, mayur supaypa maquinpita Tayta Diosninchipa maquinman ashucunanpaj. Shimïta ćhasquicuptin, jucha aparicushantapis Tayta Diosninchi jungaycunga. Chaynuypis acracushan wawancuna maquinćhu cawashan-jina paycunapis maquinćhu cawanga.›

Hechos 4:26

Llapan jatun mandajcuna parlanacushana. Auturdäcunapis jutucushana. Llap-llapanmi Tayta Diosninchitapis, acracushan Washäcujtapis ticrapuyta yarpaycan.›

Hechos 4:27

«Cananga mandaj David musyachicushan änir ćharcucaycan. Acracushayqui Jesústa Washäcuj cananpaj ćhuraptiquisi, mandaj Herodes, mandaj Poncio Pilato, llapan jäpa runacuna, Israel runacuna chiquipacurcusha.

Colosenses 1:13

Supaypa maquinpita jishpichimashcanchi. Jinarcur Wawan Jesúspa maquinman ćhuramashcanchi.

Santiago 2:5

Irmänucuna, sumaj wiyacärinquiman. Pishipacuyćhu cawajcunatapis Tayta Diosninchi acracusha payman sumaj yupachicunanpaj. Manchapacuptin, aunishannuylla maquillanćhu cawachinga.

1 San Pedro 2:9

Nuwanchitam ichanga Tayta Diosninchi acracamashcanchi. Maquinćhu puriycächimanchi. Cüra cayman ćhuramashcanchi. Acracamashcanchi shungun munashallanta rurananchipaj. Maquillanman shuntacamashcanchi sumaj munayniyuj cashanta runacunata willapäcunanchipaj. Ñaupata juchallaćhu arur, chacajćhu-jina cawashcanchi. Cananmi ichanga shiminta wiyacur, achquićhu-jina Tayta Diosninchipa maquinćhu cawarcaycanchi.