San Juan 2:21 - Quechua Panao Huánuco

²¹ Tayta Diosninchipa wasinpaj rimarpis, wañushanpita cawarimunanpaj Jesús rimaycaran.

San Juan 2:21 Iomraidhean Croise

San Juan 1:14

Tayta Diosninchipa shiminta Camacächicuj runa-masinchi yuriran. Cay pachaćhu cawaran. Sumaj munayniyuj cashanta nuwacuna ricashcä. Tayta Diosninchipa japallan Wawan cashantapis tantiyacushcä. Llaquipäcujmi caran. Shiminta ćharcujmi caran.

San Juan 2:22

Wañushanpita Jesús cawarimuptinraj, purïshijnincunapis chaynuy nishanta yarpäriran. Chayrämi Jesúspa shiminpis, Tayta Diosninchipa shiminpis shungunman ćhayaran.

1 Corintios 3:16

Sumaj tantiyacushun. Tayta Diosninchipa wasin-yupay carcaycanchi. Paypa wawan cashpanchi Espíritu Santuwan maquinćhu purichimanchi.

1 Corintios 6:19

Sumaj tantiyacushun. Runa wasinćhu juyashan-jina Tayta Diosninchipis camacächisha Espíritu Santu nuwanchićhu juyänanpaj. Payga maquinćhu purichimanchi. Chaymi quiquinchipitanachu mana cawanchi.

2 Corintios 6:16

¿Juc wasillaćhu Tayta Diosninchitapis, jircacunatapis manchapacushuwanchuraj? Mana. Sumaj tantiyacushun. Wasi wamracuna taytanpa maquinćhu cawan. Chay-jina nuwanchipis Jesúspa shiminta ćhasquicuyninchipa Tayta Diosninchipa maquinćhu cawaycanchi. Payga cawanmi. Quiquinmi niran: «Paycunawan juyäshaj. Waran-waran yanagäshaj. Tayta Diosnin caycaptï, nuwallata manchapacamanga. Paycunata maquïćhu purichishaj.»

Colosenses 1:19

Chaymi Tayta Diosninchi shungun imanuy cashantapis Washäcuj Jesúswan sumaj musyachimanchi.

Colosenses 2:9

Nuwanchipämi ichanga Washäcuj Jesús quiquin Tayta Diosninchi.

Hebreos 8:2

Paymi quiquin Tayta Diosninchipa ñaupallanćhu, rasunpa-caj purichina jiru ćhaqui capillaćhu mañacapaycämanchi. Chay wasi mana runa jatarachishanchu; manchäga quiquin Tayta Diosninchi jatarachishan.