San Juan 12:13 - Quechua Panao Huánuco

¹³ Mayar, runacuna palmapa üjanta cuchuran. Jesústa ćhasquicuj llucshir, cushicushpan japarpararan: «Taytallau Tayta, washaycallämay, ari. Tayta Diosninchi caćhamushan runa alli ricash caycullächun. Israel runacunapa mandajnin alli ricash caycullächun» nir.

San Juan 12:13 Iomraidhean Croise

San Mateo 23:39

Nuwatapis mana ricamanquipänachu. ‹Tayta Diosninchi caćhamushan runa alli ricash caycullächun› nir ćhasquicamashpayquim ichanga, imayllapis ricamanquipaj.»

San Mateo 27:42

«Waquin runacunata cawarachishash. Quiquinmi ichanga jishpiyta mana junchu. Israel runacunapa mandajnin carga, ruspita mä, yarpamuchun. Yarpamuptin, shiminta ćhasquicushunćhi.

San Juan 1:49

Natanaelna wiyächipaypa niran: «Taytallau tayta, rasunpa Tayta Diosninchipa Wawan canqui. Israelcunapa mandajnin canqui.»

San Juan 12:14

Jesúsna Tayta Diosninchipa shimin ćharcucänanpaj mañacushan manta bürun muntash ćhayaran. Tayta Diosninchipa shiminćhu isquirbiraycan:

San Juan 12:15

«Jerusalén marca runacuna, Ama manchariychu. Mandajniqui shaycämun. Manta bürullan muntash yaycaycämun» nir.

San Juan 19:15

Runacunana ullgucäcuran: «Wañuchun. Wañuchun. Rusćhu wañuchicächun» nir. Mandaj Pilatuna niran: «¿Rasunpachu mandajniquita wañuchinäta munarcaycanqui?» Chaura mayur cüracuna niran: «Mandamajninchiga Césarllam. Juc mana canchu.»

Apocalipsis 15:3

Paycuna Tayta Diosninchipa mandu-rurajnin Moisés unay cantashantapis, Uysha cantashantapis cantaycaran. Arpata tucapayllapa cantar niycaran: «Taytallau Tayta, llapanpaj munayniyuj canqui. Rurashayquiga llapanpis sumaj alli caycan. Rurashayquita pipis mana ruranmanchu. Maquiquićhu llapan runata purichinqui. Pitapis allilla ricanqui. Pitapis sumaj yanapanqui.

Apocalipsis 19:16

Racu ćhanca müdanan jananćhu isquirbiraycaran: «Mandajcunapa mandajnin caycä. Auturdäcunapa mandajnin caycä» nir.

Apocalipsis 7:9

Chaypita yupaysi mana atipaypaj runacunata ricarä. Chay-tucuy marcacunapita, tucuy casta runacuna, tucuy-niraj rimajcuna juturpaycaran. Tayta Diosninchipa ñaupanćhu, Uyshapa ñaupanćhu yuraj müdanash, palman aptash ićhirpaycaran.