San Juan 1:10 - Quechua Panao Huánuco

¹⁰ Tayta Diosninchipa shiminta Camacächicuj cay pachaćhu caycaran. Cay pachatapis quiquin camaran. Runacunam ichanga pï cashantapis mana ricsiranchu.

San Juan 1:10 Iomraidhean Croise

San Mateo 11:27

Wawan cashäta Papänï musyan. Wawan carmi, Papänï pï cashantapis musyä. Yanapaptïraj, pipis Papänïpa shungunta musyapanga.

San Juan 1:11

Camacächicujga Israel marcaćhu yuriran. Chaypis marca-masincuna mana ćhasquicuranchu. Manchäga wasguiparan.

San Juan 1:18

Quiquin Tayta Diosninchita pipis mana imaypis ricashachu. Wawallanta ricasha. Payga Tayta Diosninchi. Jesúsga Tayta Diosninchiwanpis juc shungulla cawan. Chaymi Tayta Diosninchi imanuy-imanuy cashantapis tantiyachimanchi.

San Juan 1:3

Paywanmi llapan imacunatapis Tayta Diosninchi camaran. Payllapita llap-llapanpis caycan.

San Juan 1:5

Achicyapämashpanchi Tayta Diosninchipa shungun munashanta tantiyachimanchi. Jucha aparicujcunam ichanga chacajćhu juyar, quiquinpa shungun munashallanta ruran. Achquita wañuchishan-jina Camacächicujtapis wañurachiyta munaran. Ichanga mana camäpacuranchu.

San Juan 17:25

Papä, jamlla allillata ruranqui. Runacunam ichanga alli shungu cashayquita mana musyaranchu. Nuwam ichanga alli shungu cashayquita musyä. Caćhamashayquita ćhasquicamajcunapis musyan.

San Juan 5:17

Jesúsmi ichanga chapacuran: «Nuwapis, Papänïpis mana jamaräcushächu. Chaymi diyawarda captinpis, Tayta Diosninchi-ima runacunata yanapaycäshaj» nir.

Hechos 14:17

Jamcunapis chaynuy cawaptiquisi, Tayta Diosninchi llaquipäshurayqui. Llaquipäcuj car, tamyachimun micuyniquicuna sumaj waćhananpäpis, sumaj wayunanpäpis. Yanapaycäshunqui cushi-cushilla cawanayquipaj.»

1 Corintios 1:21

Quiquillanpita mana pipis Tayta Diosninchiwan yaćhänacunmanchu. Chaymi jishpichimänanchi-raycur Tayta Diosninchi llapanta camacächisha. «Washämänanchi-raycur Jesús wañuyman ćhayasha» nir willapaptï, waquin runa wasguipan: «Upa yarpay» nir.

1 Corintios 2:8

Auturdäcuna yaćhaj carpis, mana tantiyacuranchu. Tantiyacur, Munayniyuj Tayta Jesústa mana rusćhu wañuchinmanchu caran.

1 Corintios 8:6

Nuwanchipämi ichanga Tayta Diosnillanchi rasunpa munayniyuj. Payga Taytanchi. Paypitam cawanchi. Shungun munashannuy cawarcaycanchi. Taytanchi Jesucristu-ima llapanta camasha. Nuwanchitapis camamashcanchi maquinćhu cawananchipaj.

Colosenses 1:16

Jesúspa ricay ñawinćhu llap-llapantapis camasha. Washäcuj Jesús-ima Tayta Diosninchi cay pachatapis, janaj pachatapis camasha. Ricashanchitapis, mana ricashanchitapis camasha. Munayniyuj anjilcunatapis camasha. Llapanta maquinćhu purichinanpaj Washäcuj Jesús-ima camasha. Chaymi Jesústa llapanchi alliman ćhurashun.

Hebreos 11:3

Nuwanchipis Tayta Diosninchiman yupachicunchi. Unayga mana imasi caranchu. Tayta Diosninchi rimariptinmi ichanga, janaj pachapis, cay pachapis ricacuran. Chaynuypa llapan ricashanchicunata Tayta Diosninchi camashanta tantiyacunchi.

1 San Juan 3:1

Sumaj tantiyacushun. Tayta Diosninchi sumaj-sumaj llaquipämanchi. Wamrachacamashcanchi: «Wawämi canqui» nir. Waquin runam ichanga Tayta Diosninchipa maquinćhu cawayta mana munashpan paypa wawan cashanchitapis mana tantiyanchu.