Apocalipsis 18:3 - Quechua Panao Huánuco

³ Babilonia marcapa mandajnin warmi llapan runata maquinćhu charar, juchallaćhu purichiran. Maćhashta-jina cawachiran. Majanta jananpachij-jina marcapa mandajnin warmillata mamachacuran. Chay-tucuy marca mandajcunapis paywan cacuran. Marcapa mandajnin puchuy-puchuy jananćhu cawaptin, rantipacujcunapis rïcuyaran.»

Apocalipsis 18:3 Iomraidhean Croise

San Lucas 7:25

¿Imamanraj aywashcanqui? ¿Alli müdanashtachu tarishcanqui? Mana. Alli müdanashta achic-achicyaycaj wasillaćhu juyaycajta tarinqui. Jatun auturdäcunalla alli-alliga cawan.

1 Timoteo 5:11

Jipashllaraj biyüdacunata ama shuntanmanchu. Jipashllaraj cashpan majata munar Washäcuj Jesúspa maquinćhu cawaycarpis, witicuringa.

Apocalipsis 14:8

Jipanta shamuj anjilna cushish niran: «Babilonia marca ushyacäcushana. Chay runacuna jatun-tucursi, illaricäcushana. Marca-pingay cawar, Tayta Diosninchita ullgüchiran. Majanta jananpachij-jina chay-tucuyćhu runacunata shacyächiran Tayta Diosninchita apärinanpaj, jucha aparicuyllaćhu arur, upyallar cawananpaj.»

Apocalipsis 17:2

Chay warmi llapan auturdäcunata ćhasquiräcusha. Runan-runan cacushan jillaywan auturdäcunata shincachisha. Chay-jina llapan runacunatapis maquichacusha.»

Apocalipsis 18:19

Llaquicushpan umancunamanpis ućhpata wiñacunga. Atar wagangapaj: «Marcallau marca, jatun marca caran. Jatun marca carsi, ushyacayman ćhayasha. Bütiyujcunapis, rantipacujcunapis jillayllayquiwan rïcuyasha. Chaypis mana yarpashpita ushyapacayman ćhayasha.»

Apocalipsis 18:23

Achquitasi pipis mana ratachinganachu. Warmi ashiypis mana canganachu. Babilonia marca rantipacujcuna sumaj rïcuyaran. May-chayćhüpis chapata rurar, runacunata riguichiran.

Apocalipsis 18:7

Alli-tucushanpita chigaypa ñacachun. Llapanpa jananćhu cawashanpita pasaypa ushyapacächun. Mandaj warmi yarpaj: ‹Llapan runata maquïćhu puriycächï. Jucpa maquinćhu mana imaypis purishächu. Biyüda cayman mana imaypis ćhayashächu. Llaquicuymanpis mana ćhayashächu› nir.

Apocalipsis 18:9

Babilonia marcaćhu nina ićhicurcuptinmi ichanga, llapan marcapa mandajnincuna llaquicuywan atar ninga: «¿Piwanraj cacushaj? Silluta manaćhi micushänachu.» Paycuna Tayta Diosninchita mana manchapacuranchu. Manchäga shungun munashallanta imatapis ruraran.