Apocalipsis 15:3 - Quechua Panao Huánuco

³ Paycuna Tayta Diosninchipa mandu-rurajnin Moisés unay cantashantapis, Uysha cantashantapis cantaycaran. Arpata tucapayllapa cantar niycaran: «Taytallau Tayta, llapanpaj munayniyuj canqui. Rurashayquiga llapanpis sumaj alli caycan. Rurashayquita pipis mana ruranmanchu. Maquiquićhu llapan runata purichinqui. Pitapis allilla ricanqui. Pitapis sumaj yanapanqui.

Apocalipsis 15:3 Iomraidhean Croise

San Juan 1:17

Unayga Tayta Diosninchipa shiminta ima-imata ćharcunanchipäpis Moisés tantiyachimaranchi. Cananmi ichanga Jesucristu tantiyachimanchi Tayta Diosninchi llaquipäcuj cashantapis, shungun yarpashantapis.

1 Timoteo 1:17

Tayta Diosnillanchita imay-imaypis alli ricayculläshun. Alliman ćhurayculläshun. Mandaj cayninga imaypis mana ushyacajmi. Imay-imaycamanpis cawacujmi. Payga mana ricacajmi. Payllam Tayta Diosninchi. Chaynuy caycullächun.

Hebreos 3:5

Tayta Diosninchipa wasinćhu arur, mincay-yupay paypa shungun munashanta Moisés ruraran. Ima-imata nishantapis marca-masincunata tantiyachiran.

Apocalipsis 1:8

Llapanpaj Munayniyuj Tayta Diosninchi nin: «Imay-imaypis cawajmi cä. Imaypis mana ushyacashächu. Cutiycamüna. Llap-llapanpaj munayniyuj caycä.»

Apocalipsis 11:17

«Taytallau Tayta, llapanpaj munayniyujmi canqui. Imay-imaypis cawajmi canqui. Imaypis mana ushyacanquichu. Ima allish llap-llapanta maquiquiman shuntashcanqui. Sumaj munayniyuj cashpayqui maquiquićhünam llapallanta purichinqui. Chaypitam jatunpa cushicärillä.

Apocalipsis 14:3

Juturpaycajcuna Tayta Diosninchipa ñaupanćhu, ishcay ćhunca ćhuscuwan (24) mayurcunapa ñaupanćhu cantarcaycaran. Cantashanga mushuj. Jesúspa shiminta ćhasquicush cashpan paycunalla yaćhacuran. Ćhasquicujcunallata cay pachapita jishpichish caran.

Apocalipsis 14:8

Jipanta shamuj anjilna cushish niran: «Babilonia marca ushyacäcushana. Chay runacuna jatun-tucursi, illaricäcushana. Marca-pingay cawar, Tayta Diosninchita ullgüchiran. Majanta jananpachij-jina chay-tucuyćhu runacunata shacyächiran Tayta Diosninchita apärinanpaj, jucha aparicuyllaćhu arur, upyallar cawananpaj.»

Apocalipsis 17:14

Mandajcuna waräcuy-ima Uyshata ticrapunga. Uysham ichanga llapanta ićhipunga. Paymi mandajcunapa mandajnin, auturdäcunapa mandajnin. Maquinćhu cawan jatun mandajcunapis, tacsha mandajcunapis. Uysha ićhipuptin, Jesúspa shiminta ćhasquicuj runacunapis allićhu llucshinga. Paycuna Tayta Diosninchipa shungun munashannuylla cawan. Jayachish captin, maquinćhu cawan. Quiquin acracusha.»

Apocalipsis 19:16

Racu ćhanca müdanan jananćhu isquirbiraycaran: «Mandajcunapa mandajnin caycä. Auturdäcunapa mandajnin caycä» nir.

Apocalipsis 19:2

Payga llapan runapa shungunta musyapan. Juchaynajcunata washan. Juchayujcunatam ichanga ñacachin. Runan-runan cacuj warmitapis Babilonia marcantinta ushyasha. Chay-tucuyćhu runacunata pingacuyninwan juchacachishanpita illarachisha. Tayta Diosninchipa wawancunata wañuchishanpitapis ñacayman jitarpusha.»

Apocalipsis 4:8

Ćhuscun cawajcuna sujta cäpayuj-caman, ñawincunapis intïru jananćhu caran. Pagas-junajpis mana jamallar Tayta Diosninchita manchapacushpan cantarcaycaran: «Tayta Diosnillanchi juchaynaj caycan. Alli cawayninman pipis mana tincunchu. Paynuyga mana canchu, mana canchu, mana canchu. Paylla llapanpaj munayniyuj. Imaypis cawacuj. Mana ushyacaj. Cutiycämuj.»