Apocalipsis 1:6 - Quechua Panao Huánuco

⁶ Maquinćhüna charämanchi. Tayta Diosninchipa mandunta rurar, cüra cayman ćhuramashcanchi llapan runapaj mañacapunanchipaj. Chaymi Jesucristuta imay-imaypis alliman ćhurayculläshun. Munayniyuj cayninga imay-imaypis ama ushyacächunchu. Chaynuy caycullächun.

Apocalipsis 1:6 Iomraidhean Croise

San Mateo 6:13

Juchaman ćhayanätapis ama camacaycachillaychu. Manchäga Supaypa maquinpita washaycallämay.›

San Juan 5:23

Tayta Diosninchi munan quiquinta manchapacushan-jina nuwatapis manchapacamänanta. Quiquinmi caćhamasha. Chaymi pipis nuwata mana manchapacamar, Tayta Diosninchitapis mana manchapacunchu.

Romanos 11:36

Tayta Diosninchi quiquinmi llap-llapanta camasha. Maquinćhu llapantapis purichin. Payllapaj llapanpis caycan. Chaymi payllata llapanchi imay-imaycamanpis alliman ćhurashun. Chaynuy caycullächun.

Romanos 15:6

Chayraj juc shungulla, juc shimilla Tayta Diosninchita alliman ćhuranquipaj. Payga Taytanchi Jesucristupa Taytan.

Filipenses 2:11

Llapan auninga: «Tayta Diosninchi alli ricash caycullächun. Payga Washäcuj Jesústa caćhamuran. Jesúspa maquinćhüna cawaycanchi. Payga Tayta Diosninchim» nir.

1 Timoteo 6:16

Paylla imay-imaycamanpis cawacuj. Achic-achicyaycajćhu juyan. Paytaga mana pipis ricashachu. Ricaytapis mana junchu. Tayta Diosninchi alli ricash caycullächun. Imay-imaycamanpis munayniyuj caycullächun. Chaynuy caycullächun.

1 San Pedro 4:11

Pipis willapäcur, Tayta Diosninchipa shimillanta willapäcuchun. Pipis yanapäcur, Tayta Diosninchi tarichishanman-tupulla yanapäcuchun. Imatapis rurar, Tayta Diosninchita alliman ćhurashun. Alliman ćhurashanchita Washäcuj Jesús camacächin. Chaymi imay-imaypis munayniyuj Tayta Diosninchita alliman ćhurayculläshun. Chaynuy caycullächun.

1 San Pedro 5:11

Payga sumaj munayniyuj. Payllata imay-imaypis alliman ćhurayculläshun. Chaynuy caycullächun.

2 San Pedro 3:18

Manchäga Taytanchi Jesucristupa shiminta sumaj-sumaj tantiyacunquiman. Payga Washäcujninchi. Llaquipämashanchi-jina jamcuna-purasi sumaj-sumaj llaquipänacärinquiman. Taytanchi Jesúsllata imay-imaycamanpis allićhu jurgushun. Chaynuy caycullächun.

Apocalipsis 1:9

Irmänucuna, nuwa Juanmi caycä. Llapanchi Tayta Diosninchipa maquinćhu cawaycanchi. Jesús-janan ñacaycanchi. Cutimunantapis mana yamacällar shuyarpaycanchi. Nuwata lamar ćhaupin Patmos marcaman jargumaran Tayta Diosninchipa shiminta willapäcushäpita, Jesús-janan willapäcushäpita.

Apocalipsis 20:6

Puntata cawarijcuna sumaj cushicärinman. Paycunaga Tayta Diosninchipa acracuyninmi. Maquillanćhu cawanga. Wañuyman yapay mana cutinganachu. Manchäga cüra cayman ćhuraptin, Tayta Diosninchipa shungun munashallanta, Washäcuj Jesúspa shungun munashallanta ruranga. Cay pachaćhu waranga (1,000) wata Jesústa mandäshinga.

Apocalipsis 4:11

«Taytallau Tayta, Llapan runa manchapacuyculläshunqui. Llapan runa allillaman ćhurayculläshunqui. Munayniyuj cashayquipita alli ñawinwan ricayculläshunqui. Llap-llapanta camashcanqui. Ima-aycacunapis munaptiquiraj, ricarisha. Jamllapita imapis cawan» nir.

Apocalipsis 5:10

Tayta Diosninchipa mandunta rurananpaj camacächishcanqui. Llapan runata marcantinta maquinćhu purichinanpaj mandaj cayman ćhurashcanqui. Runa-masinta mañacapunanpaj cüra cayman ćhurashcanqui.»