Lucas 1:53 - Quechua North Junín

⁵³ Payga micuypita nacagcunatas capogniyogmanmi muyuchin, nätan capogniyogcunatam mana imaynagman muyuchin.

Lucas 1:53 Iomraidhean Croise

Mateo 5:6

Cushisham capäcunga yacunaypanuy micanaypanuy Dios munanganta imanaypanuysi ali ruray munagcuna. Paycunataga Dios yanapangam chay munayangannuy ali rurayta.

Lucas 1:54

Payga yanaparam servignin Israelta jutiyog runatas. Jinaman chaynuy cuyapayälarmi yanapara imaysi.

Lucas 6:21

Cushisham carcayanqui Diosta canan reguey munayagcuna. Gamcunaga Diosta reguepäcunquim. Cushisha carcayanqui canan wagayagcuna. Gamcunataga Dios perdonapäcushunquim.

Lucas 6:24

Nätan cay pachachru caglata imanuypanuysi ashigcunaga aliscam cunchupäcunqui. Gamcunaga chay capogniyog capäcungaypita cushirarcayanquim.

Juan 6:35

Nipäcuptinmi Jesusga cay nin: “Nogam cayä chay cawachicug micuyga. Nogaman aywamugcagga pisi chrasquimagcagga canga yamangancama micushanuymi imaycamas. Nätan pisi chrasquimagcagga canga yamangancama yacu upyashanuymi imaycamas.

1 Corintios 1:26

Chauraga Jesusman yupachicug-mayïcuna shumag pinsiapäcuy: Gamcunataga Dios runanpag acrararcayäshunqui walcalatam alisca yachragtas, walcalatam marcachru mandagtas, jinaman walcalatam alinnin runacunapa castantas.

1 Corintios 4:8

Gamcunaga “Alisca yachragcamam cayanchi” nircayanquim, “Diosga alisca aliscam munayninwan yanapayämanchi” nircayanquim. Nätan gamcunaga imatas rurarcayanqui cay pachata mandayag reycunanuymi. Chaynuy yachragpag ricacurmi nogacunataga manacagpag ricarcayämanqui. Razonpa cay pachachru nä mandarcayaptiquiga alichr canman. Chaura nogacunas chay mandayta yanapacurcagmanchri.