Juan 2:21 - Quechua North Junín

²¹ Nätan Jesús Diospa wayinpita rimanganga cara quiquinpa cuerpunpitam.

Juan 2:21 Iomraidhean Croise

Juan 1:14

Nätan payga muyurura runamanmi. Jinarcurmi yachrara noganchicunacagchru. Nogacuna ricapäcurä shumagmi Tayta Diospa-mayin chay japalan Diosta, jinaman munayninwan ima-ayga ruragtas. Payga cara alisca cuyapälar yanapäcugmi, jinaman razoncaglata rimagmi.

Juan 2:22

Chaymi wanushapita nä Jesús cawacaramuptinga discïpuluncunaga yarparärï chay cuerpunpita rimanganta. Chayran tantiapäcusha cä paypita isquirbishanuyla, nätan rimangannuyla ruracanganta.

1 Corintios 3:16

Nätan gamcunaga shumagmi musyarcayanqui Diospa wayinnuy carcayangayta, jinaman Dios cachramungan Santu Espirituwan carcayangaytas.

1 Corintios 6:19

Gamcunaga shumagmi musyarcayanqui Dios cachramungan Santu Espiritupa wayinnuy chay cuerpuycuna cayanganta, jinaman Santu Espíritu gamcunawan yachrayanganta. Chaura cuerpuycunaga manam gamcunapachu, antis Diospam.

2 Corintios 6:16

Manatan pasay tantianacunchu Diosta servig runawan “Caymi diosnï” nir imatas servig runasi, nätan noganchiga cayanchi cawayag Diospa wayinnuymi. Quiquin Diosmi chaynuy canganchipita cay nira: “Yachrashag, jinaman purishag paycunawanmi. Paycunapa Diosninmi cashag, nätan paycunam canga runäcuna” niram.

Colosenses 1:19

Chaura Diosga quiquin munarmi Jesusta chrurasha paynuy cananpag.

Colosenses 2:9

Cristoga runa cayarsi Diospa-mayinmi cara. Chaymi payga cayan Dios quiquin.

Hebreos 8:2

Chaychrümi Jesús sacerdötiga noganchipa jananchi Diosta manacuyan Diospa razoncag wayinchru. Chay wayiga Munayniyog Dios ruranganmi. Manam runala ruranganchu.