Apocalipsis 21:3 - Quechua North Junín

³ Chauraga mayarü lapan calpanpa jana pachapita cay nimugtam: “Cananpitaga Dios cawanga runancunawan parëjum. Paycunaga Diospa runanmi capäcunga, jinaman quiquin Diosmi canga paycunapa Diosnin.

Apocalipsis 21:3 Iomraidhean Croise

Juan 1:14

Nätan payga muyurura runamanmi. Jinarcurmi yachrara noganchicunacagchru. Nogacuna ricapäcurä shumagmi Tayta Diospa-mayin chay japalan Diosta, jinaman munayninwan ima-ayga ruragtas. Payga cara alisca cuyapälar yanapäcugmi, jinaman razoncaglata rimagmi.

Juan 14:23

Niptinmi Jesusga nin: “Pi maysi cuyamagga ningätam cäsucaman. Chaura Dios-mayïga cuyangam. Jinarcurmi Dios-mayïwan noga aywapäcamushag paywan cawag.

2 Corintios 6:16

Manatan pasay tantianacunchu Diosta servig runawan “Caymi diosnï” nir imatas servig runasi, nätan noganchiga cayanchi cawayag Diospa wayinnuymi. Quiquin Diosmi chaynuy canganchipita cay nira: “Yachrashag, jinaman purishag paycunawanmi. Paycunapa Diosninmi cashag, nätan paycunam canga runäcuna” niram.

2 Corintios 6:18

Chay nircursi ima-aygas ruray atipag Diosga cay niraran: “Juc ali taytanuymi gamcunapag cashag. Nätan gamcunam nogapag capäcunqui wamräcuna” niram.

1 Tesalonicenses 3:11

Nogacunaga chaynuylam Tayta Diostas, jinaman Munayniyog Jesustas manacurcayä ricagniqui aywapäcamunäpag.

Hebreos 11:16

Antis paycunaga jana pacha aywaytam imanuypanuysi munapäcura, chaychru imaycamas cawacurcänanpag. Chaymi Diosga mana pengacurachu “Diosninmi cayä” niyta, nä paycuna yachrapäcunanpag jana pachachru camarisha car.

Hebreos 8:10

Chaura Diosga “Mas guepaman chay mushog rimanacuychrüga Israel castacunata cay niram: ‘Nogaga mandangäcunata shumagmi tantiachishag lapan ningäta cäsucarcämänanpag. Chaura paycunaga runäcunam canga, nätan nogam Diosnin cashag’.

Hebreos 8:2

Chaychrümi Jesús sacerdötiga noganchipa jananchi Diosta manacuyan Diospa razoncag wayinchru. Chay wayiga Munayniyog Dios ruranganmi. Manam runala ruranganchu.

Apocalipsis 10:4

Chaura “Chay räyucuna rimapäcunganta isquirbishag” niyaptïmi, mayarü jana pachapita cay nimagta: “Chay ganchris räyucuna rimapäcamunganta amam pitas musyachinquichu, nätan ama isquirbiypishchu” nimagta.

Apocalipsis 10:8

Chaura chay jana pachapita rimapämagta mayangämi yapay rimaparaman cay nir: “Ayway, jinaman chrasquimuy ichic röllula quichrarayagta, chay jatun gochramansi alpamansi jarurayag angelpa maquinpita”.

Apocalipsis 12:10

Chaura jana pachachrüga mayarü gaparaypanuy cay nir cantapäcamugtam: “Cananga nä carcayan salvasham. Cananga nä Diospa munayninchrümi carcayan. Jinaman Cristom cayan mandagsi. Nätan Diospa naupanchru pagaspas junagpas yangapita juchachämagninchi Asyagga nämi cunchunanpag cayan.

Apocalipsis 21:7

Pi maysi lutan ruraypita amachacugga nogawanmi imaycamas cawanga. Chauraga nogam cashag Diosnin, paymi canga runä.

Apocalipsis 22:3

Manam chaychrüga pisi lutanpag ricasha cangachu. Chay marcachrümi canga Diospa, jinaman Achrcashnuysi cayagpa tayucurcänan trönu. Chaychrümi servignincuna paycunata alawapäcunga.

Apocalipsis 7:15

Chaymi paycunaga wac trönuchru tayayag Diospa naupanchrüsi, jinaman Diospa cacunan wayichrüsi, pagaspas junagpas servircayan. Nätan trönuchru tayayag Diosmi canga paycunawan, paycunata washananpag.