Apocalipsis 18:3 - Quechua North Junín

³ Chaynuyman chay marcaga muyurun, lapan nacionchru yachragcunata vïnunwan shincachignuysi juchäcachinganpitam. Cay pachachru reycunata juchäcachinganpitam, jinaman cay pachachru ranticugcuna, chay ima-aygas lutan rurapäcunganwan capogniyogman muyuchinganpitam” nin.

Apocalipsis 18:3 Iomraidhean Croise

Lucas 7:25

Chaura ¿imanuy runa ricagtag aywapäcuray? ¿Juc runa alisca alinnin jacupäcusha ricagchu? Manam. Gamcuna musyapäcungaynuysi chaynuy alinnin jacushacunaga carcayan reycunapa wayincunachrümi ima-aygatas shongon munanganta rurarcayar.

1 Timoteo 5:11

Nätan manarag sogta chrunca watayogcunaga manam pi viüdas atendisha capäcungachu. Capazchri paycunaga gowayog cayta munarga casaracurcangaragsi.

Apocalipsis 14:8

Chaypitam guepanta aywamug juc angelga cay niramuntag: “¡Juchrurunmi Babiloniaga! ¡Juchrurunmi chay jatun marcaga! Chay marcaga pasay shincananpag pitas vïnuta upyachignuymi, lapan nacionchru runacunata ima-aygas ganra lutancunawan juchäcachira”.

Apocalipsis 17:2

Chay lutan warminuysi cayag marcawan carmi cay pachachru reycuna juchäcurcasha. Chaynuytan cay pachachru yachrag runacunas juchäcurcasha chay lutan warmiwannuysi cayag marcawan capäcur” nimag.

Apocalipsis 18:19

Chaypitam wagarcayar racrarcayar umancunaman alpata jitayacarärin cay nir gapachracurcayar: “¡Ay! ¡Laquicuypagmi cayanqui jatun marca! Gamchrütag lapansi chay büquiyogcuna alisca capogniyogman muyupäcusha, nätan juc üralatam lapan ima-aygaysi usharun” nir.

Apocalipsis 18:23

Manam mastaga gamchru achicyangachu ni ima achquiylas. Manatan mayacangachu casaracuy fiesta büllas. Gamchru ranticugcuna cay pachachrüga alisca capogniyogmi capäcura. Nätan ‘Gamga engañasha canqui lapan nacionchru runacunata, mal ruraypam’ nir.

Apocalipsis 18:7

Chay marcaga cayan alitucugmi, jinaman cawayan micucularmi, upyacularmi. Chaymannuy imanuypas tucuynaypa cunchuchipäcuy, wagayar capäcunanpag. Chay marcaga cay nigmi: ‘Nogaga mandayä juc reinanuymi. Manam juc viüdanuysi nacashagchu ni manatan imaysi cunchushagpishchu’ nigmi.

Apocalipsis 18:9

Nätan cay pachachru mandagcunaga, imanuypanuysi micucular upyacular cawapäcunganpita, wagapäcungam, pësacurcangam, chay marcata nina rupaptin goshchriyagta ricaparärir.