Apocalipsis 10:6 - Quechua North Junín

⁶ “Nogaga imaypita imaycamas cawayagpa, jinaman jana pachata, cay pachata, jatun gochrata lapan ima-aygantawansi camagpa naupanchrümi. Nircurmi cay nin: Cananga nä manam cangachu mas timpu,

Apocalipsis 10:6 Iomraidhean Croise

Apocalipsis 1:18

Nogaga cayä chay cawayagmi. Wanusham carä, nätan cananga yapaymi imaycamas cawayä. Jinaman munaynïchrümi cayan wanuysi, nätan nina wayiman jitayuysi.

Apocalipsis 12:12

Chauraga cushicurcay jana pachachru lapay yachrarcayagcuna. Nätan laquicurcay cay pachachru, jinaman jatun gochrachru yachrayagcuna. Gamcunamanga Asyag ishquirayämun alisca piñasham, nä cunchusha cananpag nachrgarayämunganta musyar” nir.

Apocalipsis 16:17

Chaypitam chay ushanancag angelga jirpurun cöpachru cayagtaga walyayman. Jinarcurmi Diospa cacunan wayin nirayagpitaga, chay trönuncagpitaga, gayacuypanuy rimaramun cay nir: “Caywanga nä ruracarun lapanmi” nir.

Apocalipsis 21:6

Chaypitas cay nimantan: “Nämi ruracarun. Nogam cayä imaypita imaycamas cawacug. Pitas yacunashanuy ashimagtaga, mana ranticularmi imaycamas cawayta goshag.

Apocalipsis 4:10

Imay aygaysi chaynuy nipäcuptinga, chay ishcay chrunca chruscuyog mandagcunaga, chay trönuchru tayayagpa naupanman gongorpacuyurmi lipucayärin umancunas pampaman tupangancama. Jinarcurmi chay imaypita imaycamas cawayagpa trönun naupanman corönancunata chrurayur alawayta galacayärin cay nir:

Apocalipsis 4:11

“Munayniyognïcuna, gamga cay alawasha, alinninpag ricasha, munayniyogpag ricasha. Gammi camasha canqui lapan ima-aygatas. Nätan gam munaptiquim cayan lapan ima-ayga camangaysi” nir.

Apocalipsis 4:9

Chay angelnuysi cayagcunaga, chaynuylam trönuchru tayayagta chay imaypita imaycamas cawayagta alawapäcunag cay nir: “Alisca munayniyogmi cayanqui, alisca alim cayanqui” nir.

Apocalipsis 6:11

Nipäcuptinga gorun yurag jacucunatam. Chaypitam cay nirun: “Uchuclataga masrag shuyayäriy. Gamcunatanuysi willapacug-mayiquicunata wanuchiyta aypachipäcungancama” nirun.