1 Juan 3:2 - Tayta Diospa Wilakuynin

² Kuyay wawqi panikuna, Tayta Diospa wamran kashqansita kanan musyarpis manami musyansiraqsu imano kanansipaq kashqantapis. Sayno kaptinpis musyansimi Jesucristo kutimuptin paywan tinkur kikin niraqman tikranansipaq kashqanta.

1 Juan 3:2 Iomraidhean Croise

Job 19:26

Aysä ismur ushakaptinpis kawarirkamur Tayta Diosta rikashaqmi.

Salmo 16:11

Munashqaykino kawanäpaqmi ali nänipa pushamanki. Nawpaykichöqa imaypis kushishlami kawä. Aluq kaq makikiwanmi imaypis bendicionnikitapis churaykämunki.

Salmo 17:15

Noqami isanqa nawpaykiman chämushaq. Qamta rikashpämi kushikushaq.

Salmo 31:19

19 (20) ¡Seqaypa kuyakuqmi kaykanki, Tayta Dios! Mansapakushuqnikikunapaqmi kuyakuynikita tesörutano churaraykäsinki. Saytami runakuna rikay yärakushuqnikikunata aypuykanki.

Isaías 56:5

wayïcho imaypis tänanpaqmi chaskishaq. Paypa jutinta churapashqäqa suriyuq kashqanpitapis mas alimi kanqa. Paypa jutinta imaypis manami qonqayanqasu.

Malaquías 3:2

<

Mateo 5:8

<

Lucas 17:30

Saynölami kanqa Runapa Surin kutimushqan junaqpis.

Lucas 20:36

Saychöqa angilkunanömi mana wanuq kayanqa. Kawarimush karmi Tayta Diospa wamrankunana kayanqa.

Juan 1:12

Payman yärakur chaskikuqkunatami isanqa Tayta Dios legitimakun wamrankuna kayänanpaq.

Juan 11:52

Manami Israel runakunalapaqsu wanunan karqan, sinöqa Diospa wamrankuna maysaychöpis mashtakash kaykaqta shuntamunanpaqmi.

Juan 17:24

<

Romanos 8:16

Kikin Espíritu Santumi Diospa wamran kashqansita tantiyaykäsimansi.

Romanos 8:18

Kay pasacho nakashqansikunaqa päsaqlami kaykan. Gloriacho kushikunansipaq kashqanmi isanqa imayyaqpis mana ushakaq kanqa. Saytaqa lapan shonqüwanmi criyï.

Romanos 8:19

Sayno kaptinmi Tayta Dios wamrankunata nawpanman shuntakunanta lapan kamashqankuna shuyaraykäyan.

Romanos 8:29

Unaypita pasa reqirmi destinarqan Surin Jesucristuno kayänanpaq. Saynöpami Jesucristo kaykan lapan yärakuqkunapa mayor wawqin.

1 Corintios 13:12

Saynöpis kananqa makwa espëjuwan rikakuqnöpis shumaqqa manaraqmi tantiyansiraqsu. Kay pasapita aywakurmi isanqa kikin Tayta Dioswanna tinkushun. Saymi kanan ichiklata musyarpis say junaqqa pay reqimashqansino noqansipis payta reqishun.

1 Corintios 15:49

Kananqa alpapita rurash Adán niraqlami kaykansi. Saypitanami jana pasacho taykaq Jesucristunöna kashun.

1 Corintios 2:9

Mana tantiyayashqantami Tayta Diospa palabranchöpis kayno qelqaraykan: <>.

2 Corintios 3:18

Librina karmi Señorninsita rikaqno kaykansi. Saymi runakuna rikamashpansi kikin Señorninsita rikaqno kaykäyan. Saynöpis Señorninsiqa Espíritu karmi waran waran yanapaykämansi kikin kashqanno noqansipis kanansipaq.

2 Corintios 4:17

Kay pasacho kashqansiyaqla nakarpis gloriacho imayyaqpis kawanansipaqmi kamarikuykansi. Say kawaymanqa manami imapis kay pasacho kaqkuna tinkunsu.

Gálatas 3:26

Wawqi panikuna, Jesucristuman yärakurnami kananqa Tayta Diospa wamrankunana kaykansi.

Gálatas 4:6

Wamran kashqami Surin Jesucristo promitishqan Espíritu Santuta shonqunsiman Tayta Dios kachamurqan. Espíritu Santumi Tayta Diosta imaypis: <<¡Abba, Papä!>> nikan.

Filipenses 3:21

Lapanpaq munayyuq karmi kay ushakaq cuerpunsita mushuq cuerpuman tikrasinqa. Say mushuq cuerpunsimi kikinpa cuerpunno mana ushakaq kanqa.

Colosenses 3:4

kawayta qomaqninsi Jesucristo kutimuptinmi qamkunapis paywan gloriacho kayankipaq.

Hebreos 9:28

Jesucristupis juk kutilami askaq runakunapa jusankunapita wanurqan. Kay pasaman kutimurqa manami runakunapa jusankunapita yapay wanunanpaqsu kutimunqa, sinöqa payta shuyakuqkunata salvananpaqmi.

2 Pedro 1:4

Saynölami imaypis yanapämänansipaq promitimashkansi. Sayno yanapämäshun jusaynaq kashqanno noqansipis jusalikuyta kacharir jusaynaqna kanansipaqmi.

1 Juan 2:28

Kuyay wamräkuna, Jesucristupa makincho imaypis kawayay. Sayno kawarmi Jesucristo kutimuptin mana mansariypa y mana penqakuypa nawpancho kayankipaq.

1 Juan 2:7

Kuyay wamräkuna, jukniki juknikipis kuyanakuyanki. Kay mandamientu manami mushuq mandamientusu kaykan, saypa trukanqa unaypita pasa musyashqansi mandamientumi. Say mandamientuta maynami musyayanki.

1 Juan 3:1

¡Tantiyakuyay! ¡Tayta Dios seqaypami kuyamansi! Kuyamashpansimi <> nimansi. Rasunpaypami wamrankuna kaykansi. Wamran kashqansitaqa Tayta Diosta mana chaskikuq runakuna manami tantiyayansu. Sayno tantiyayansu Tayta Diosta mana reqirmi.

1 Juan 3:10

Pipis jusalikur y runa mayinta chikirqa manami Diospa wamransu kaykan, sinöqa diablupa wamranmi. Saynöpami musyansi Diospa wamran pï kashqanta y diablupa wamran pï kashqantapis.

1 Juan 3:21

Kuyay wawqi panikuna, perdonashna kashqansita musyaykarnaqa mana mansapaypa Tayta Diosta manakushun.

1 Juan 5:1

Jesús salvamaqninsi Cristo kashqanta criyiqkunaqa lapanpis Tayta Diospa wamranmi kaykäyan. Tayta Diosta kuyarqa wamrankunatapis kuyansimi.

Apocalípsis 2:28

Say mandaqkunata waraq qoyllartami qoykushaq.

Apocalípsis 22:4

Saychömi Tayta Diospa qaqlanta rikayanqa. Urkunkunachömi Tayta Diospa jutinpis qelqaranqa.