Lukas 22:56 - Quechua Southern Pastaza

⁵⁶ Chaypi shuk chay aputa yanapak warmika payta nina kuchupi tiyahushkata alita rikushpan rimarka: Kay runapas Jesuswa pakta purikmi kan.

Lukas 22:56 Iomraidhean Croise

Mateo 26:69

Chay wasi ukupi Jesusta asichihushkankunapi Pedroka chay wasi pampan kincharishkapi tiyahurka. Chaypi shuk atun aputa yanapak warmi kayllayashpan rimarka: Kanpas Galileamanta Jesuswa pakta purik kanki nishpa.

Markus 14:17

Ña tutayahushpanna Jesuska chay chunka ishkay runankunawa chay wasipi paktamurka.

Markus 14:6

Chaypina Jesuska chay piñarihukkunata nirka: Ama chasna rimaychichu. ¿Imaraykuta piñarishpaykichi kay warmita pinkachihunkichi? Kay perfumita umaynipi talishpan alitami rurashka.

Markus 8:25

Kutikashka ñawinta llankarka. Chay llankashkanllawa chay runaka alina kiparirka. Tukuy imatapas shutillatana rikurka.

Lukas 22:55

Chay wasi kincharishka pampan chawpipi kuyrakkunaka ninata sintichishpankuna muyukta tiyarirkakuna. Chaypillatata Pedropas paykunapa chawpinpi tiyarik rirka.

Lukas 22:57

Chasna nishpan Pedroka llullachishpa aynirka: Manami paytaka riksinichu.

Juan 18:17

Chaypi punkuta kuyrak warmika Pedrota tapurka: ¿Manachu kanki chay apishkanchi runawa purik? Pedroka payta aynirka: Manami chay runawa purikchu kani nishpa.