Lukas 22:33 - Quechua Southern Pastaza

³³ Chaypi Simonka nirka: Yaya Jesús, kanta karselpi tapashpankunaka chayma kanwa pakta rinayani. Kanta wañuchishpankunaka ñukapas kanwa pakta wañusha.

Lukas 22:33 Iomraidhean Croise

Mateo 20:22

Jesuska aynirka: Kankunaka mana alita yachashpaykichi chayta tapuwahunkichi. Ñukaka achkatami parisinayni tiyan wañunaynikama. ¿Atipankichimachu ñukashina awantanata chay tukuy parisinakunata wañunaykichikama? Chasna rimashpan paykunaka aynirkakuna: Ari, atipashunmi awantanata.

Markus 14:29

Chaypina Pedroka nirka: Tukuy kay katik masinikunaka mancharishpa kanta sakishpankunapas ñukaka manami sakishkaykichu.

Markus 14:31

Chaypi Pedroka kuti rimarka: Shutipa rimani, kanwa parihu wañunayni kashpanpas kanwa pakta wañusha, manami rimashanchu kanta mana riksinaynita nishpa. Chasnallatata chay shuk runankunapas rimarkakuna.

Lukas 22:34

Chasna rimashpan Jesuska aynirka: Pedro, rimashkayki, kunan tutami manara atallpa kantahushpan kanka kimsa kuti llullashpa rimanki Jesusta mana riksinichu nishpa.

Lukas 22:57

Chasna nishpan Pedroka llullachishpa aynirka: Manami paytaka riksinichu.

Juan 13:38

Jesuska payta aynirka: ¿Shutipachu kishpichiwanaykipa wañunayanki? Kanta rimani, manarapas atallpaka kantahushpanra kimsa kutimi llullachishpa rimanki mana riksiwanaykita.

Hechos 21:13

Chasna rimashpanchipas Pabloka aynirka: ¿Imaraykuta wakashpa llakiypi churawahunkichi? Mana watay tukunaynillapachu Jerusalenma risha, ashwan wañuchiy tukunaynipapas alicharishka kahuni, Jesukristuta katihushkaynirayku.