Lukas 18:39 - Quechua Southern Pastaza

³⁹ Chaypi chay Jesuspa puntanpi rihuk runakunaka arkashpa chunllayay nirkakuna. Chasna rimashpankunapas payka ashwan sinchita kaparirka: ¡Davidpa Miraymanta Kishpichik, llakichiway!

Lukas 18:39 Iomraidhean Croise

Mateo 7:7

Yaya Diosta tapushpaykichika payka munashkaykichita kunkami. Maskashpaykichika Yaya Diosta, payta tarinkichimi. Silupi yaykunayashpa punkunpi kayashpaykichika Yaya Dioska paskankami.

Mateo 8:26

Jesuska aynirka: ¿Imaraykuta chasna yapa mancharihunkichi? ¿Kunankamachu manara tukuy shunkuykichimanta pacha ñukapi sinchikunkichi? Chaymanta Jesuska atarishpan chay wayrata yakutapas sinchi shimiwa rimarka: ¡Kasillayay wayra! ¡Kasillayay ulas! Chasna rimashkanllawa pasarirka wayraka, ulaspas mana ulasyarkanachu.

Mateo 9:27

Jesús chay apupa wasinmanta llukshishpan ishkay wisku runakuna sinchita kayashpa katirkakuna: ¡Davidpa Miraymanta Kishpichik, llakichiy ñukanchita! nishpa.

Lukas 11:52

Ay Moisespa killkashkanta yachachikkuna ¡imashna kastigushi kankunarayku kanka! Mana alita yachachishpaykichi runakunata arkankichi shutipa ali kashkata yachanankunapa. Kankuna kikin mana munashkankichichu uyanata, imashnami Yaya Diosta riksinkichi. Chasna kashpaykichi Yaya Diosta riksinayak runakunatapas pantachinkichi payta mana riksinankunapa.

Lukas 18:1

Chaymanta Jesuska runankunata shuk yachachinawa yachachirka mana sampayashpa Yaya Diosta mañanankunapa kasna nishpa:

Lukas 18:15

Jesús yachachihushpan yayankunaka llullu wawankunatapas payma aparkakuna, llankashpan paykunarayku Yayan Diosta mañananpa. Chasna rikushpankuna Jesuspa runankunaka piñarishpa paykunata arkarkakuna Jesusta mana kayllayanankunapa, kay wawastukunata Jesusma ama apamuychichu nishpa.

Lukas 18:38

Chayta uyashpan chay wiskuka sinchita kaparishpa rimarka: ¡Jesús, Davidpa Miraymanta Kishpichik, llakichiway!

Lukas 18:40

Chasna kaparishkanta uyashpan Jesuska shayarishpan rimarka: Chay wiskuta ñukama apamuychi. Ña kuchunpi kashpan payta tapurka:

Lukas 19:39

Chaypi shuk fariseokuna chay runakunapa chawpinkunapi kahukkuna rimarkakuna: Yachachik, rimay kay kanta katik runakunata chunllayanankunapa.

Lukas 8:49

Jesús chasna rimahushkanllapira chay tantarina wasipi kamachik Jairopa shuk runan wasinmanta payta rimak shamurka: Ña wawaykika wañushka. Ama yankamanta pushamuychu kay yachachikta.

2 Korinto 12:8

Kimsa kuti Yaya Diosta tapurkani chay nanayta ñukamanta anchuchinanpa.