Lukas 13:1 - Quechua Southern Pastaza

¹ Chay urasllatata shuk runakuna Jesusta kayllayamushpankuna rimarkakuna: Galileamanta shuk runakuna wiwakunata wañuchihushpankuna Yaya Diosrayku rupachinankunapa, romano apu Pilatoka paykunata wañuchichirka. Chasna wañuchiy tukushpankuna yawarninkunaka wiwakunapa yawarwa chapurirka.

Lukas 13:1 Iomraidhean Croise

Mateo 27:1

Chaymanta ña pakarishpan tukuy saserdotekunapa apunkuna, tukuy ñukanchita kamachik israel masinchi rukukunawa shuk yuyayllawa kwintarkakuna Jesusta wañuchinankunapa.

Mateo 27:2

Chaypina Jesusta watashpankuna pusharkakuna chay romano apu Pilatoma.

Hechos 1:11

Chaypina rimarkakuna: Galileamanta runakuna, ¿imaraykuta awama rikurayahunkichi? Ñami Jesuska siluma sikashka. Chay Jesusllatata, maykantami Yaya Dioska siluma sikachishka, imashna rihushkanta rikushkankichi, chasnallatatami kuti shamunka kay allpama.

Hechos 2:7

Yapa mancharishpankuna paykunapura tapunakurkakuna: Kay rimak runakunaka ¿manachuya Galileamanta kanahun?

Hechos 5:37

Chaywasha runakunapa shutinkunata killkachina punchakunapi Galileamanta runa Judas shutiyu achka runakunata tantachirka romano runakunata piñarishpa llaktankunamanta wichunankunapa. Paytapas wañuchirkakuna. Chasna wañuchishpankuna tukuy payta katikkunaka shikwarirkakuna.