Lukas 10:5 - Quechua Southern Pastaza

⁵ Shuk wasipi yaykushpaykichi chay wasipi kahushkakunata puntiru rimankichi Yaya Dios kankunata yanapachun wiñaypata kushilla kawsanaykichipa nishpa.

Lukas 10:5 Iomraidhean Croise

Lukas 10:4

Rihushkaykichipi ama apaychichu bulsata, kullkita, nima chakikichirayku ashwan shuk churarinata. Ñampipi shuk runata tinkushpaykichika ama shayarinkichichu kwintanaykichipa.

Lukas 10:6

Chasna kushilla kawsanata munashpankunaka Yaya Dios chay rimashkaykichita paykunarayku paktachinkami. Mana munashpankunaka Yaya Dios paykunarayku mana paktachinkachu.

Lukas 19:9

Jesuska payta aynirka: Kunan puncha shuti kankuna kay wasipi kawsak runakuna kishpichirishka kankichi nishpa. Chaymanta chaypi kahukkunata rimarka: Kay runa mana alita rurak kashpanpas ñukanchishina Abrahampa miraymantami kan.

Hechos 10:36

Yaya Dioska ñukanchi israel runakunata rimarka, Jesukristuta kirik runakunata uchankunamanta llakichinanta, kushilla paywa pakta kawsananchipa. Chay Jesuska tukuypa apunmi kan.

Efeso 2:17

Kristumi kay allpama shamushpan tukuy ñukanchi israel runakunata, kankuna mana israel runakunatapas yachachirka shuk yuyayllawa kawsanata.