Lukas 10:38 - Quechua Southern Pastaza

³⁸ Jesús runankunawa ñampita rihushpan shuk uchillastu llaktapi paktarka. Chaypi shuk warmi Marta shutiyu Jesusta kushikushpa wasinpi yaykuchirka.

Lukas 10:38 Iomraidhean Croise

Lukas 10:37

Chaypina chay runaka aynirka: Chay llakichishpan yanapak runami makarishka runata sumakta yuyarka. Chasna aynishpan Jesuska rimarka: Kanpas chay yanapak runashina tukuy runa masikikunata yanapashpa kawsay.

Lukas 10:40

Chaykama Martaka mikunata yanuhurka Jesusta karananpa. Achkata tarawashpa musparihurka. Chaypina Martaka Jesusta rimarka: Yachachik ¿manachu llakichiwanki? Ñañaynika sakishka tukuyta sapallayni ruranaynipa. Rimay payta yanapak shamuwananpa.

Lukas 10:41

Chasna nishpan Jesuska aynirka: Marta, Marta, musparishpa kahunki chay tukuy imakunata ruranaykipa.

Hechos 16:15

Chasna kashpan chay warmika bawtisarirka tukuy wasinpi kawsak runakunawa pakta. Chaywasha ñukanchita kayarka: Kankuna shutipa Jesukristuta kirik kanaynita yuyarishpaykichika shamuychi wasinima chaypi kiparinaykichipa rinaykichi punchakama nishpa. Chasna mana sakishpa ñukanchita kayashpan wasinma rirkanchi chaypi kiparinanchipa.

Hechos 17:7

Kay Jasonmi chay yanka nishpa waklichihuk runakunata wasinpi yaykuchishka. Romano tukuymanta atun apunchipa rimashkanta mana paktachinahunchu. Paykunaka ninahunmi shuk atun apu tiyan Jesús shutiyu nishpa.

2 Juan 1:10

Shuk runa paktashpan Kristupa mana yachachishkantashina yachachik, ama payta wasikichipi yaykuchiychichu, nima kwintachiychichu.