Lukas 1:22 - Quechua Southern Pastaza

²² Sakariaska Yaya Diospa wasin ukumanta llukshimuhushpan mana atiparkachu rimanata. Chayrayku yacharkakuna chay wasi ukupi shuk imata muskuypishina rikushkanta. Mana rimanata atipashpan makinwa umanwa paykunata asirtachirka imashnami chay ukupi paywa pasashkanta. Chaymanta pacha mana rimanata atipak kiparirka.

Lukas 1:22 Iomraidhean Croise

Lukas 1:21

Chay angelka Sakariaswa Yaya Diospa wasinpi kwintahushkanpi chay kanchapi kahuk achka runakunaka Sakariasta chapahurkakuna. Unayta chapahushpankuna yuyarirkakuna ¿imaraykuta chay ukupi yapa unayan? nishpa.

Lukas 1:23

Yaya Diospa wasinpi mañanan punchakuna tukurishpan Sakariaska wasinma kutirka.

Lukas 1:62

Chasna nishpankuna yayanta makinkunawa rikuchishpa tapurkakuna: ¿Ima shutita kanka?

Juan 13:24

Chaypi kahushpayni Pedroka makinwa rikuchiwarka Jesusta tapunaynipa pimantami chasna rimahurka.

Hechos 12:17

Pedroka yaykushpan makinwa rikuchirka chunlla tukunankunapa. Chunllayashpankuna kwintarka imashnami Yaya Dios karselmanta payta llukshichishka. Chayta kwintashkanwasha nirka: Tukuy chayta rimaychi Santiagota, chaymantapas chay shuk kirik masinchikunata. Chasna rimashkanwasha llukshishpan rirka shuk partima.

Hechos 19:33

Chaypina chay tantarishkapi kahuk israel runakunaka israel masinkuna Alejandrota akllashpankuna tankashpa tukuy runakunapa puntanpi churarkakuna runakunata rimananpa. Payta kwintashpankuna imaraykumi tantarishkakuna, Alejandroka puntama pasashpan makinwa rikuchirka chunlla tukunankunapa.

Hechos 21:40

Chasna tapushpan komandanteka rimarka: Chasna kashpanka kwintay. Chaypina Pabloka iskalunpi shayarishpan makinta rikuchirka runakuna chunllayanankunapa. Chunlla tukushpankuna Pabloka paykunapa kikin hebreo shimipi rimarka: