Juan 13:24 - Quechua Southern Pastaza

²⁴ Chaypi kahushpayni Pedroka makinwa rikuchiwarka Jesusta tapunaynipa pimantami chasna rimahurka.

Juan 13:24 Iomraidhean Croise

Lukas 1:22

Sakariaska Yaya Diospa wasin ukumanta llukshimuhushpan mana atiparkachu rimanata. Chayrayku yacharkakuna chay wasi ukupi shuk imata muskuypishina rikushkanta. Mana rimanata atipashpan makinwa umanwa paykunata asirtachirka imashnami chay ukupi paywa pasashkanta. Chaymanta pacha mana rimanata atipak kiparirka.

Lukas 5:7

Chay tukuy challwata rikushpankuna shuk botipi kahuk rediyak masinkunata umankunawa kayarkakuna yanapanankunapa. Chaypi tukuymanta ishkanti botinkunata challwawa untachirkakuna. Botinkunaka yapa untakta kashpan tikranalla karkakuna.

Juan 13:23

Ñuka Jesuspa yapa munashkan runan kuchunpi mikuhurkani.

Juan 13:25

Ashwanta Jesusta kayllayashpayni alimanta tapurkani: Amuyni, ¿pimantata chasna rimahunki?

Hechos 12:17

Pedroka yaykushpan makinwa rikuchirka chunlla tukunankunapa. Chunllayashpankuna kwintarka imashnami Yaya Dios karselmanta payta llukshichishka. Chayta kwintashkanwasha nirka: Tukuy chayta rimaychi Santiagota, chaymantapas chay shuk kirik masinchikunata. Chasna rimashkanwasha llukshishpan rirka shuk partima.

Hechos 13:16

Chasna chay apu rimashpan Pabloka atarirka. Makinwa rikuchirka chunlla tukunankunapa, chaymanta kallarirka yachachinata kasna: Israel masinikuna, chikan runakunamanta Yaya Diosta kasuk runakunapas, alita uyawaychi.

Hechos 21:40

Chasna tapushpan komandanteka rimarka: Chasna kashpanka kwintay. Chaypina Pabloka iskalunpi shayarishpan makinta rikuchirka runakuna chunllayanankunapa. Chunlla tukushpankuna Pabloka paykunapa kikin hebreo shimipi rimarka: