Juan 10:6 - Quechua Southern Pastaza

⁶ Chasna Jesuska rimashpan mana shutillatachu payta chiknik runakunata yachachirka. Paykunaka mana asirtarkakunachu imatami chay rimashkanwa yachachinayarka.

Juan 10:6 Iomraidhean Croise

Mateo 13:34

Jesuska achka yachachinakunawa tukuyta chay runakunata yachachirka. Nima ima uras rimarkachu kuska asirtana shimikunata.

Mateo 13:51

Yachachinankunata tukuchihushpan Jesuska ñukanchita tapurka: ¿Asirtankichichu kay yachachihushkaynikunata? nishpa. Chaypina aynirkanchi: Ari, asirtanchimi nishpa.

Markus 4:34

Chay achka yachachinakunawa mana kuska asirtaypata yachachipayarka chay runakunata. Runankunallata tantachishpan tukuy chaykunata alita asirtachipayarka.

Juan 16:25

Chaymanta rimarka: Tukuy kay yachachishkaynikunata manara shutillatachu yachachishkani. Shuk punchami manana chasnalla yachachishkaykichinachu. Chay uras shutillatanami Yaya Diosmanta kankunata yachachisha alita yachanaykichipa.

Juan 16:29

Chasna Jesuspa rimashkanta uyashpanchi rimarkanchi: Kunan shuti asirtaypata rimahunki, manana rimahunkinachu pakashpa rimahukshina.

Juan 6:52

Chasna uyashpankuna chay apunchikunaka shukwa shukwa rimanakurkakuna paykunapura: ¿Imashnataya kay runaka kuma mikunanchipa pay kikinpa aychantaka? nishpa.

Juan 6:60

Chasna yachachishkanta uyashpankuna Jesusta achka katikkuna kwintarkakuna paykunapura: Chay yachachishkanka sinchimi kan. Pikunashi atipankakuna chayta kasunata.

Juan 7:36

¿Imatata rimanayan kasna nishpan maskawashpaykichipas manami tariwankichichu, chaymantapas maymami ñukaka risha manami atipankichichu rinata nishpa?

Juan 8:27

Chasna Jesús rimashpan apunchikunaka mana asirtarkakunachu, pay ñukata kachawak nishpan Yayan Diosmanta rimashkanta.

Juan 8:43

¿Imaraykuta mana asirtankichichu rimahushkaynita? Kankunata rimani, manami asirtankichichu mana alita shiminita uyanayashkaykichirayku.

1 Korinto 2:14

Chay mana Yaya Diospa Espiritunwa kawsakkunaka manami riksinayanahunchu Yaya Diospa Espíritun riksichishkanta. Paykunaraykuka muspa yuyayyu yanka rimahushkashinami. Mana munanahunchu kirinata, nima atipanahunchu asirtanata. Chaytaka Yaya Diospa Espiritunwa kawsakkunallami asirtanahun.

2 Pedro 2:22

Kutikashka ñawpa kawsashkankunashina millaypata rurashpa kawsashpankuna kay rimanakunaka paykunapi paktarishkakuna: Allkuka kiwnashkanta kuti mikun. Kuchika sumakta mayllarishka kashpanpas kutikashka kutin turupi armananpa.

1 Juan 5:20

Chaymantapas yachanchi Yaya Diospa Wawan kay allpama shamushkanta. Paymi ñukanchita riksichirka shuklla shutipa Yaya Diosta. Jesukristuta riksishkanchirayku shuklla shutipa Yaya Dioswa shuk yuyayllawa kawsanchi. Yaya Diospa Wawan Jesukristuka shutipa Yaya Diosmi kan, ñukanchi runakunata wiñaypa kawsayta kuk.