Apocalipsis 18:8 - Quechua Southern Pastaza

⁸ Chasna yuyarishkankunaraykumi kunkaymanta shuk punchallapi kastigarinkakuna unkuywa, yarkaywa, llakiywa. Chaymanta ninawa rupachiy tukunkakuna. Chasnami tukuypa apun Yaya Dioska atun yachayyu kashkanrayku paykunata kastiganka.

Apocalipsis 18:8 Iomraidhean Croise

1 Korinto 10:22

Ñukanchi Yaya Diosta kasukkuna supaykunata kushichishpanchika Yaya Diostami piñachinchi. Chasna Yaya Diosta piñachishpanchika manami kishpishunchichu paypa kastigananmanta. ¿Yaya Diosmanta ashwan yachayyuchu kanchi paypa kastigananta mana manchananchipa?

Apocalipsis 11:17

A Yaya Dios, Tukuypa apunmi kanki. Tukuyta atipak kanki. Ñawpamanta pacha tiyak, kunankama kawsak kanki. Kunan atun yachaykita rikuchishpayki kallarishkanki kamachinata. Chayrayku kanta atunta agradesinchi.

Apocalipsis 17:16

Chay rikushkayki manchaypa animal, chay chunka kachunkunapas chay puta warmishina llaktata chikninkakuna. Tukuy imankunata kichushpankuna shuk warmi llatantashinami sakinkakuna. Paypa aychantapas mikunkakuna. Puchurishkata llampu rupachinkakuna.

Apocalipsis 17:18

Chay puta warmika kanmi tukuy allpakunamanta atun apunkunata kamachik llakta nishpa.

Apocalipsis 18:17

Imashnataya kunkaymanta tukuy suma imaykichikunanti tukurishkanki nishpa. Tukuy atun yaku marpi lanchakunata purichikkuna, chaypi tarawakkuna, chaypi rihukkunapas mancharishpankuna karullapimi kiparinkakuna.

Apocalipsis 18:19

Sinchita llakirishkankunarayku pulbuta apishpankuna umankunapi churankakuna. Chasna rurashpa sinchita kaparishpa wakankakuna kasna: ¡Alaw, alaw, atun llakta! Tukuy ñukanchi atun yaku marpi purik lanchayukunaka kanmanta kullkiyarkanchi yapa imakunayu kashkaykirayku. Kunanka kunkaymantami tukurishkanki nishpa.

Apocalipsis 19:3

Chaymanta kuti rimarkakuna: Tukuy Yaya Diosta kushichiychi chay millaypa llaktaka wiñayparayku rupahushpan kushnihushkanrayku nishpa.