YOONAASI 4:8 - Qullaawa Maxaafa

⁸ Arrishsho fultuhu gedensaanni, Maganu giirtannota soojjaati bubbe soyi; arrishsho umo gantinosi daafira, Yoonaasi daaqi. Reyo hasi're, «Hee'rantenni anera reyo woyyitannoe» yii.

YOONAASI 4:8 Iomraidhean Croise

KALAQAMA 41:6

Hakkuri gedensaanni ciiggitinotinna halalli bubbe qoorsitinoti wole 7 shoye fultu.

UMI MOOTOOLLA 19:4

mitto barra wo'ma halallitte gobba hige ha're mare mittu ittanchu haqqi hunda ofolli. Reyo hasi're, «Kaaliiqa'ya! Xaate ikkinoe. Ani akaakka'ya dirooroommona lubbo'ya haa'ri» yaanni huucci'ri.

UMI MOOTOOLLA 21:4

Naabute, «Akaakka'yawiinni ragi'roommota atera dieemmo» yiino daafira Akiaabi giirame hifatamanninna hanqanni minira ha'ri. Sagaleno itannokkiha daallasisira sae alba xarrate widira hige goxi.

IYYOOBI 2:10

Isi kayinni, «Ati hawanyu meenti gede coyi'ritta. Maganu anganni danchare adhinoommonte gede, bushareno diadhineemmo?» yiise. Kunni baalunkunni Iyyoobi Maganoho sao dicoyi'rino.

IYYOOBI 7:15

Tenne qarraataame heeshsho hee'rammontenni, qalxine shinannieta doodhoommo.

FAARSO 121:6

Barra arrishsho, hashsha aganu, digawajjannohe.

FAARSO 39:9

Konne baala assoottohu ateetina, afoo'ya beeshshi're sammi yeemmo.

ROSIISAANCHO 7:9

Koma amada gowwimma ikkitino daafira, ati hanqoho muddantooti.

FAARSO ROORE FAARSO 1:6

Dana'ya kolishshiishshinoti arrishshotena, kolishshimma'ya daafira arrassitinoonte"e. Ama'ya ooso roduuwi'ya, ane ledo giwantino daafira, woyinete kaashshi agaraancho assitinoe; kunnira umo'ya agadhate yanna diafi'roomma.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

HIZIQEELI 19:12

Kayinnilla hanqino manni, rumushshunkunni buqqise tugi. Gumaseno halallinni ka'anno bubbe mooshshitu; jawaata sinnaseno hiiqqaqqantu; mooltuhu gedensaanni giirantu.

HOOSEI 13:15

Israeeli roduuwisi giddo jawaata ikkirono, giirtannota soojjaati bubbe halallinni soyemmosi. Bu'asinna wayi ballasi mooshshitanno; umo afi'rino coye baalanka huntanno.

LEEWAAWOOTA 10:3

Museno Aaroonira, « ‹Kaaliiqi soqqamannoehu baalu qullaawa ikka'ya ayirriso; anino manni'yara ayirrinye'ya leellisheemmo› yiino coyi konneeti» yiisi. Aarooni kayinni, mittoreno didawarino.

YOONAASI 1:17

Kaaliiqi, mittu jawu qulxu'michi Yoonaasi egemmanno gede hajaji; Yoonaasino qulxu'michu godowi giddo 3 barranna 3 hashsha keeshshi.

YOONAASI 1:4

Kaaliiqi kayinni baaru aana jawaata bubbe kayisi; baaru aana wolqaataamu dambali kaino daafira, markaawe hiiqqamate gamba yitu.

YOONAASI 4:3

Xa Kaaliiqa'ya, anera hee'rantenni reyo woyyitannoena lubbo'ya haa'ri» yee huucci'ri.

YOONAASI 4:9

Maganu kayinni, «Halaalinta buqqiichote daafira, hanqa hasiissannoheni?» yiisi. Yoonaasino, «Ee, addintanni hanqa hasiissannoe; isinni reyote geeshsha hanqa hasiissannoe» yii.

MAATEWOOSI 20:12

‹Kuri gede'nite dagguri mitte saate calla loossino. Ikkollana ninke barra wo'ma arrishshote giirammanni daafurre honsoommori ledo taashshootto› yite gunguntu.

YOHAANNIS AJUUJA 3:19

« ‹Ani baxeemmoha baala seejjeemmo; qorichisheemmono. Kunni daafira diinaggaawoottoha ikki! Cubbokkino aagintaawi!

YOHAANNIS AJUUJA 7:16

Kunni ka'a dihudidhanno; digoodhanno; arrishshono digantannonsa; iibbilluno diqarrisannonsa.

UMI SAAMUEELI 3:18

Saamueeli mitto coyeno maaxikkinni gudise kulisi. Eelino, «Isi Kaaliiqaatina, baxinore asso» yii.