YOONAASI 3:5 - Qullaawa Maxaafa

⁵ Nennewe mannino Maganu yiino coye ammani. Ita agano agure, cubbinsara gaabbinota egensiisate aja akkala yinikkinni baalunku xiddu uddano uddi'ri.

YOONAASI 3:5 Iomraidhean Croise

LAYINKI MOOTOOLLA 19:1

Moote Hiziqiyaasi konne coye macciishshe, dadillunni uddanosi dare, xiddu uddano uddi're Qullaawu Minira ha'ri.

LAYINKI DUDUWO 20:3

Iyosaafiixino lowo geeshsha waajjino daafira yaannosire afate Kaaliiqa huucci'rate hedi. Mannuno ita aga agure Kaaliiqa huuccanno gede Yihuda baalaho lallawi.

IZIRA 8:21

Ninkenna oosonke, hattono jajjanke baala agarannonke gedenna ha'neemmo doogo keere assannonke gede, Ahawa Wayi mule Maganinke albaanni umonke shollinshe itanna aga agurre huucci'neemmo gede lallawummo.

ASTEERI 4:1

Merdookiyoosi konne assinoonni coye baala macciishshe dadillunni uddanosi dari; hakkunni gedensaanni xiddu uddano uddi're umisi aanano buluulo giggishshi're qoonqosi naggi asse heqqifate wi'lanni katamu giddo ka'anna kawa ha'ranni raataawi.

FULO 33:6

Kunnira, Siina Ilaalinni ka'e hadhunkunni kayisse Israeele seesu uduunne aanaho diwodhitino.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

ERMIYAASI 36:9

Iyosiyaasi beetti Iyoaaqeemi Yihudaho moohihunni ontikki diro honsikki aganira, Yerusaalamete hee'rannohunna Yihudu katammanni dayino manni baalu Kaaliiqi maaro afi'rate ita aga agure huucci'ri.

ERMIYAASI 42:1

Olantote roorrooti, Yohanaaninna Hoshaiya beetti Azaariyaasi manna baala gamba assidhe ane Ermiyaasiwa dagge,

ERMIYAASI 42:8

Yohanaani, ledosi noore olantote hajajaanonna manna baala woshshe,

DAANIEELI 9:3

Xiddu uddano uddi're, buluulu aana ofolle, ita aga agure, Mooticha Magano eegame huucci'rummo.

IYUEELI 1:14

Mannu itanna aga agure huucci'ranno gede lallabbe! Manna baala xaado woshshe! Geerranna gobbate manna wo'manka, Maganu Kaaliiqi Minira gamba asse. Kaaliiqi widirano raarre.

YOONAASI 3:7

Nennewe mannirano, «Mootenna gashshaano yitino garinni, mannuno ikko saada, laluno ge'reewuno mittoreno itoonke; agoonke.

MAATEWOOSI 12:41

Nennewe Katami manni Yoote Barra tenne yanna ilama ledo kae insa aana yoo yaanno. Nennewe manni Yoonaasi kuli yannara, yiinore macciishshe cubbo aagintaawe higino. Xa kayinni kune Yoonaasi rooru konne no.

LUQAASI 11:32

Yoote barra Nennewe gosa tenne ilama ledo ka'e insara yoo yitanno. Nennewe gosa Yoonaasi sokka macciishshitu woyite cubbonsa aagintaabbe higgino. Yoonaasi rooru kayinni kawiicho no» yii.

SOQQAMAASINETE LOOSO 27:25

Kunnira, manna waajjitinoonte! Maganu kulinoere baala wonshannota ammaneemmo.

SOQQAMAASINETE LOOSO 8:10

Jawa shiima yinikkinni mannu baalu, «Konne mancho rooreho yinoonnihu Maganu wolqa noosi daafiraati» yaanni seekke macciishshannosi.

IBIRAAWOOTA 11:1

Amma'nate yaa hexxotenni agadhinoonni coye hawaqi'ratenna, illete leellinokki coyeno buuxi'rate yaate.

IBIRAAWOOTA 11:7

Illetenni leellinokki coyi're Maganu balaxe qorophisiise kulisi yannara Nohi Magano waajjatenni minisi manna gatisara markaawe seekkinohu amma'natenniiti. Amma'natenni alamete so'rose leellishino; amma'natenni afi'nanni keeraanchimmano ragi'rino.

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.