YOONAASI 1:5 - Qullaawa Maxaafa

⁵ Markaawete giddo noo manni waajjino daafira, baalunku umi umisi maganiwa hige raari; markaawete hogowi shotanno gede hogophitinore fushshite baaru giddo tuggu. Yoonaasi kayinni markaawete woriidi kifile dirre goxe bae no.

YOONAASI 1:5 Iomraidhean Croise

UMI MOOTOOLLA 18:26

Insano abbinoonninsa booto gorrite, maalano biddi assite worte barru taalooti geeshsha Ba"aali huuccidhu. Qolteno, «Ba"aali! Eeggatena macciishshinke!» yitanni woxarattu. Kakkalote darga hechemmo kaddanni doyitu. Ikkollana mitte dawarono diafidhino.

IYYOOBI 2:4

Sheexaanu qole, « ‹Manchoho umosi roorinori dino› yinoonninte gede, manchu noosire baala lubbosira yee aanno.

FAARSO 107:25

Kaaliiqi hajajita hombobolatte ka'e, dambala milli assitu.

FAARSO 148:8

Belequnna kaade, bullaame kaadenna gomichu, hajajosi wonshitinanniri, jawaata bubbe baala Kaaliiqa galatte.

ROSIISAANCHO 3:6

Hanse afi'rate yanna no; afi'noonniha hoogateno yanna no. Gamba asse worate yanna no; billaallise hunateno yanna no.

ISAYAASI 45:20

«Addi addi gobbara billaallitinoonniwiinni higginoonniri baalu, gamba yitine amme! Haqqu maganna duqqite doyitannorinna, gatissannokki misilla huuccidhannori egenno diafidhinoreeti.

ERMIYAASI 2:28

«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

YOONAASI 1:14

Kunnira, «Kaaliiqa, kunni manchi lubbo hunnoommo daafira guddootinke; ati hasi'roottore assoottona, keeraancho mancho shinoommohu gede assite kiirtootinke» yite huuccidhu.

YOONAASI 1:16

Markaawete giddo noo manni Kaaliiqa lowo geeshsha waajjino daafira kakkalo shiqishi'ri; xanono xa'ni.

YOONAASI 1:6

Markaawete hajajaanchino isiwa shiqqi yee, «Tenne yannara mayira goxootto? Miteekke marare gatisannonkeha ikkannona, ka'e maganokki huuccinke» yitu.

MAATEWOOSI 25:5

Seenne adhannohu daa keeshshita, wo'munku goxe bai.

MAATEWOOSI 26:43

Layinkimeeshsho rosaanosiwa daanno woyite, goxxe noore afi.

MAATEWOOSI 26:45

Hakkunni gedensaanni, rosaanosiwa galagale hige, «Xaano goxxinenna fooliishshidhinella heedhinoonni? Xaate ikkino; yanna iillitinona, Manchi Beetto cubbaataammu angara sayinse uyinanni saate iillitino.

SOQQAMAASINETE LOOSO 27:38

Baalunku itte ka'uhu gedensaanni, markaawete aana hogomboonni qamade fushshite baaru giddo tugge markaawe shottanno gede assitu.

EJJEETTO 16:19

Daliila Samisoni giwoodise aana goxisse, mitto mancho woshshite lamalanta umisi guduro meedisiissu; wolqasi ba'ino daafira usurte,

UMI SAAMUEELI 24:3

Saaoolino doogote gama nootewa ge'reewu goo'raannawa iilliti, godu giddora shumate ei. Hatte yannara Daawiti mannisi ledo godaho giddoonni ofolle no.