YOONAASI 1:16 - Qullaawa Maxaafa

¹⁶ Markaawete giddo noo manni Kaaliiqa lowo geeshsha waajjino daafira kakkalo shiqishi'ri; xanono xa'ni.

YOONAASI 1:16 Iomraidhean Croise

KALAQAMA 28:20

Yaiqoobi, «Ati ane ledo hee'rittoro, tenne ha'reemmo doogora agarittoero, iteemmo sagalenna uddi'reemmo uddano uyittoero,

KALAQAMA 8:20

Nohi Kaaliiqira kakkallanni darga seekki; maala intanni saadanna maala intanni cea baalante giddonni danu danunkunni mitto mitto haa're, shilqote kakkalo asse shiqishi.

LAYINKI MOOTOOLLA 5:17

Ni"imaani qole, «Afansha'ya adha giwittoro, Kaaliiqa agurranna wole magannara shilqonnitanna wole kakkalo shiqisheemmokki daafira, lame gaangora bushsha hogophe ha'reemmona uyie.

IYYOOBI 37:24

Isi, ‹Ninke egennaammaho› yitannore naadannonsakki daafira, mannu baalu waajjannosi» yii.

FAARSO 107:22

Kakkalo shiqishshanni galattosi; assinorirano ililleettetenni faarsitosina.

FAARSO 116:14

Mannisi baalu albaanni mare, Kaaliiqira xa'noommo xano uyi'reemmo.

FAARSO 50:14

Maganoho galatu kakkalo kakkalle; Wo'munkura Aliidihura xano'ne uyidhe.

ROSIISAANCHO 5:4

Maganu gowwootunni dihagiidhannona, Maganoho xa'nittoro rakke xanokki wonshi'ri.

ISAYAASI 26:9

Ati baattote aana noorira yoo yaatto waro, mannu taashshinanni gara bade afanno. Lubbo'ya hashsha ate sinsinnaabbanno; giddo'ya noo ayyaanino ate quqquxamanno.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

YOONAASI 1:10

Balaxe kulinonsa garinni Yoonaasi Kaaliiqiwiinni miliqe ba"anni nooha ikkinota affe lowo geeshsha waajjitino daafira, «Konne busha coye mayira loositto?» yitusi.

YOONAASI 1:14

Kunnira, «Kaaliiqa, kunni manchi lubbo hunnoommo daafira guddootinke; ati hasi'roottore assoottona, keeraancho mancho shinoommohu gede assite kiirtootinke» yite huuccidhu.

MAARQOOSI 4:31

Maganu gashshooti shiima guma lawanno. Hakku gumi winxanni yannara baattote aana noo gumi baalunkunni ajinoho.

SOQQAMAASINETE LOOSO 5:11

Beetekiristaane gudisamantinna konne coye macciishshi manni baalu lowo geeshsha waajji.

EJJEETTO 13:16

Sokkaasinchuno, «Keeshsheemmoha ikkiro nafa sagale di"iteemmo; sagale qixxeessattoha ikkiro kayinni Kaaliiqira shilqote kakkalo assite shiqishi» yii. Maanuhe hasaawisanni noosihu Kaaliiqi sokkaasincho ikkinota diafino.