YIHUDA 1:3 - Qullaawa Maxaafa

³ Jaalla'ya! Ledo gatore borreessammo'nera lowo geeshsha hasi'roommo; xa kayinni marro hingannikki garinni Maganu mannisira mitte hige uyino amma'nara jawaattine sharrantinanni gede seejjanni borreessammo'nera quuxaawoommo.

YIHUDA 1:3 Iomraidhean Croise

NEHIMIYA 13:25

Konne mannano borooroommo; rumoommo. Gamisa gane dananchonsano ciroommo. Hakkunni gedensaanni, insanna oosonsa wole gobba manni ledo adhantannokki gede Maganu su'minni xaarsiisoommo.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ERMIYAASI 9:3

Worbichu digaanu giddonni fulannonte gede, manni'ya afiinnino kaphu fulanno. Kunnira baattote aana, halaalu darga kaphu moohino. Kaaliiqi, «Manni'ya bunshete aana bunshe ledanni no; ani Maganonsa ikkammora dihasidhino.

SOQQAMAASINETE LOOSO 17:3

Kiristoosi qarramanna reyotennino ka"a agartinosita seekke kulanni, «Kuni kuleemmo'ne Yesuusi Kiristoosaati» yee coyi'ri.

SOQQAMAASINETE LOOSO 18:28

Yesuusi, Kiristoosa ikkinota qullaawa borro giddonni fane kulanni, jawaatu hasaawinni Ayihude mannu albaanni gari.

SOQQAMAASINETE LOOSO 20:27

Togo yeemmohuno, Maganu hedinore mittoreno gatisummokkinni kuloommo'ne daafiraati.

SOQQAMAASINETE LOOSO 28:28

«Xa kayinni tenne Maganunnita gatisaanchimmasi sokka dagate sonkoonnita affe; insano, ‹Maahoyye› yite adhitanno» yii.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

SOQQAMAASINETE LOOSO 6:7

Kunni garinni Maganu qaali lede lede hala'lino daafira, Yerusaalamete ammanaanote kiiro lowo geeshsha batidhu. Lowo geeshsha batinyu qeesootino ammana adhitu.

SOQQAMAASINETE LOOSO 9:13

Hanaaniya kayinni, «Mooticha'ya! Hakku manchi Yerusaalamete heedhanno ammanano aana lowoha busha qarra iillishinota lowo manniwiinni macciishshoommo.

SOQQAMAASINETE LOOSO 9:22

Saawulino lowo geeshsha jawaati; Yesuusi Buuramino Moote ikkinota kulanni, Demaasiqote heedhanno Ayihude haadhe coyidhannore hoogganno gede assi.

UMI QORONTOOSI 15:3

Ani adhoommoha qara coye ki'nera sayisoommo. Hakkuno qullaawa borro giddo Kiristoosi ninke cubbi daafira ree,

GALATIYU SOKKA 2:5

Ninke kayinni Danchu Duduwi ki'ne giddo kaajje hee'ranno gede hasi'noommo daafira, insa hedo bashshino diassinoommo.

GALATIYU SOKKA 3:28

Ki'ne baalunku Kiristoosi Yesuusinni mitto ikkitinoonnihura, Ayihudete woy Giriikete, borojjichoho woy biiloho, labbaaho woy meyate yinanniri dino.

GALATIYU SOKKA 6:11

Anga'yanni kee'madda fidallanni borreessoommota tenne borro la'e!

EFESOONI SOKKA 1:1

Maganu hedo garinni Kiristoosi Yesuusi soqqamaasincho ikkoommohu ani Phaawuloosi, Efesooni Katamira hee'rannohura qullaawaho, Kiristoosa Yesuusa ammanino mannira:

MARRO 21:9

Kaaliiqi albaanni taalo coye assitiniro, beebbaataamu mundee barshe giddo'nenni hoo'litinanni.

MARRO 9:10

Kaaliiqi angasinni borreessinota 2 bocame kinna uyinoe. Xaadoho gamba yitini barra Kaaliiqi ilaalu aana, giirate giddo hee're ki'nera kulino'ne hajajo baalanti hattenne kinna aana borreessante no.

FILIPHISIYUSI SOKKA 1:1

Kiristoosi Yesuusi borojji Phaawuloosinna Ximootewoosi Filiphisiyusi Katamira heedhannorira geerrahonna daaqoonete Kiristoosa Yesuusa ammantinorira qullaawu mannira baalaho,

FILIPHISIYUSI SOKKA 1:27

Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo.

QOLASIYAASI SOKKA 1:2

Qolasiyaasi heedhinannirira, Kiristoosinni qullaawoota ikkitinoonnirira ammanantinoonni roduuwira, Maganu Anninke eltonna keeri ledo'ne hee'ro.

UMI TESELONQE 2:2

Ki'ne affininte gede, kunni albaanni Filiphisiyusi hee'nummo yannara, qarrinsoonninkenna xonnoonninke. Lowo geeshsha gimbinkerono ki'nera Dancha Duduwo kulleemmo'ne gede Maganinke jawaante uyinonke.

UMI XIMOOTEWOOSI 1:18

Beetto'ya Ximootewoosi! Kunni albaanni atere himanunni kulloonninte gede, kunninni aante noo hajajo eeggo eemmohe. Himanu yaanno garinni dancha ola olami.

UMI XIMOOTEWOOSI 6:12

Dancha ammanate ola olami; isiwa woshshamitto yannara, lowo naqaashshe albaanni halaale farci'roottota hegere heeshsho cu'mi'ri.

LAYINKI XIMOOTEWOOSI 1:13

Anewiinni rosoottoha hawaqi'nanni qaale lawishsha assidhe, Kiristoosi Yesuusinni noonke ammananninna baxillinni agadhi.

TIITO 1:4

Ledo ammananni halaalu beetto'ya ikkoottohura Tiitora: Maganu Annunnihunna Gatisaanchinke Yesuusi Kiristoosi eltonna keeri ate ledo hee'ro.

IBIRAAWOOTA 13:22

Roduuwa'ya, tini borreessoommo'ne sokka harancho ikkitino daafira, tenne seejjo cincatenni seekkitine buuxxinanni gede huucci'reemmo'ne.

IBIRAAWOOTA 6:9

Ki'ne baxantinoonniri! Togo yine coyi'nummorono, ki'nera gato abbanno'ne coyi aana heedhinoonnita anfoommo.

UMI PHEEXIROOSI 5:12

Ammanaminoho yee hedeemmo rodii Silaasi widoonni, tenne sokka haranchunni borreessoommo'ne. Borreessoommo'nehuno, amaalammo'neranna tini halaalaancho Maganu elto ikkitinota farci'rammo'nera yeeti. Kunnira, tenne Maganu eltonni kaajjitine uurre.

LAYINKI PHEEXIROOSI 1:1

Yesuusi Kiristoosi soqqamaanchonna soqqamaasincho ikkinohu Simiooni Pheexiroosiwiinni, Maganinkenna Gatisaanchinke Yesuusi Kiristoosi keeraanchimma widoonni afi'noommo ammana gedeeta ayirrado ammana afidhinoonnirira:

LAYINKI PHEEXIROOSI 2:21

Keeraanchimmate doogo affuhu gedensaanni uyinoonninsa hajajo qullaawatewiinni badhera higantenni, keeraanchimmate doogo affukkinni gattinoha ikkoommero woyyate.

YIHUDA 1:1

Yesuusi Kiristoosi soqqamaanchi, Yaiqoobi rodii ani Yihudi. Woshshinoonni'nerira, Maganu Annu baxino'nerira, Yesuusi Kiristoosi agarino'nerira baalaho:

YIHUDA 1:17

Ki'ne kayinni jaalla'ya! Mootichinke Yesuusi Kiristoosi soqqamaasine kunni albaanni coyidhino qaale qaagge.

YIHUDA 1:20

Ki'ne kayinni jaalla'ya! Wo'munkurinni roorsitine qullaawa amma'no'nenni umo'ne keereensi'rate jawaatte; Qullaawu Ayyaaninni huuccidhe!

YOHAANNIS AJUUJA 12:11

Insa Ge'rechu mundeenninna, coyidhinohu farci'ransa qaalinni iso qeeltu. Lubbonsa marartukkinni umonsa reyote sayisse uyitino.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.