YIHUDA 1:16 - Qullaawa Maxaafa

¹⁶ Kuri, uminsata busha yorto ha'runsitanni, wo'manka woyite gunguntannoreetinna mittu coyira nafa hagiidhitannokkireeti; afiinsanni boo'nate qaali fulanno; uminsara injaannore hasidhanni wole manna bokkeessitanno.

YIHUDA 1:16 Iomraidhean Croise

IYYOOBI 32:21

Kunni coyira, ayerano digolameemmo; ayeno diguwiseemmo.

IYYOOBI 34:19

Baalanka kalaqinohu Magano ikkinohura, isi gashshaanote alba lae godowa dihosanno; dureessa buxichunni roorse dila"anno.

FAARSO 106:25

Dukkaninsa giddo heedhe gunguntu; Kaaliiqi qaaleno macciishsha gibbu.

FAARSO 15:4

Cubbaataamma naadannokkiho; Kaaliiqa waajjitannore ayirrisannoho; qarramiro nafa coyi'rino qaale soorrannokkiho.

FAARSO 17:10

Godowa kaajjite, boo'natenni coyidhanno.

FAARSO 73:8

Bunshetenni ceeggifattanni coyidhanno; boo'natenni woloota okkitanno.

LAWISHSHA 28:21

Godowa hosa dancha di"ikkitanno; mitu kayinni shiima sagalera halaale dawisanno.

ISAYAASI 29:24

Garu baino manni afa lexxanno; wo'manka woyite gunguntannori kulloonnire adhitanno» yii.

LEEWAAWOOTA 19:15

« ‹Halaale dawissinoonte; buxichoho godowa hossinoonte; dureessa waajjitinoonte; manna taashshitine la'e.

KIIRO 14:36

Gobba dooyyitara Muse soyenna hadhe higge bushu duduwinni manna baala gungumanno gede assitinori tonnunku manni,

KIIRO 16:11

Atinna ledokkiri mimmito amaddine Aaroonira gunguma'ne Kaaliiqa yorate» yii.

KIIRO 16:41

Layinki soodo Israeelete manni baalunku, «Ki'ne Kaaliiqi manna shitinoonni» yee Museranna Aaroonira gungumi.

LUQAASI 15:2

Farisootunna Seeru rosiisaano, «Kuni manchi cubbaataamma baala gamba assi're insa ledo itanno» yite gunguntu.

LUQAASI 19:7

Konne coye lai manni baalu, «Kuni manchi cubbaataammu mine itara eino» yaanni Yesuusira gungumi.

LUQAASI 5:30

Farisootunna insa widiri Seeru rosiisaano, Yesuusi rosaanora, «Qaraxaasinetenna cubbaataammu ledo ittinannihunna agginannihu mayiraati?» yite gunguntu.

YOHAANNISI 6:41

Yesuusi, «Gordunni dirroommo sagale aneeti» yiino daafira Ayihude gunguntu.

YOHAANNISI 6:61

Yesuusi rosaanosi kunni coyira gunguntinota afe, «Kuni coyi gufidhinanni gede assanno'nehoni?

UMI QORONTOOSI 10:10

Insa giddonni gamisu Maganoho gungunteenna hunanno sokkaasinchi gudinonsana; ninkeno Maganoho gungummoonke.

GALATIYU SOKKA 5:16

Kunnira ani yeemmo'neti, Ayyaanu garinni heedhe! Maalu yorto horonta wonshitinoonte!

GALATIYU SOKKA 5:24

Kiristoosi Yesuusire ikkitinori maalansa yortonsa ledo suttino.

MARRO 1:27

Dukkani dukkani'nera heedhine, ‹Kaaliiqi giwinonke daafira, Amooraawootu guddannonke gede angansara sayise aankera Gibitsetenni fushshe abbinonke.

FILIPHISIYUSI SOKKA 2:14

Loossinannire baala gungummenna moronsho nookkiha asse.

UMI TESELONQE 4:5

Magano affinokki daga gede foorrete hamaande heedhoonke'ne.

UMI XIMOOTEWOOSI 6:5

Wodanu soorraminohunna halaalu baino manni wo'manka woyite yekkeeramanno. Hattoo mannira, Magano magansi'ra woxe afi'nanni doogo labbannonsa.

LAYINKI XIMOOTEWOOSI 4:3

Mannu, heeshsho aanno coye kulleenna macciishsha giwanno yanna dagganno. Insa halchitanno coye rosiissannonsare gamba assidhanno.

UMI PHEEXIROOSI 1:14

Hajajantanno ooso gede ikkitine, alba affinikkinni heedhinita busha yorto ha'runsitinoonte.

UMI PHEEXIROOSI 2:11

Jaalla'ya! Ki'ne tenne gobbara wosinanna manni gobba manna ikkitinoonni daafira, lubbote ledo gaarantanno yorto maalunnitewiinni xeertidhinanni gede huucci'reemmo'ne.

UMI PHEEXIROOSI 4:2

Kunni ka'a gatte noo yanna giddo, maalunnita busha yorto ikkikkinni Maganu hedannore assanni hee'ranno.

LAYINKI PHEEXIROOSI 2:10

Roorse hakkore battennita foorrete yorto ha'runsitannorenna Maganu roorre mishshannore yoote barrira agaranno. Kuri kaphaano rosiisaano mayinanke yitannokkirenna boonaleeyye ikkitinohura, aliidi ayirradda xona diwaajjitanno.

LAYINKI PHEEXIROOSI 2:18

Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.

LAYINKI PHEEXIROOSI 3:3

Balaxxine konne coye wodanche: goofimarchu yannara hasidhu gede faasiiqqannorinna halchonsa hoode hadhanno haariimaasine dagganno.

YIHUDA 1:15

Hakkore Magano magansidhannokkire, assitino bunshenni qorichishannonsa; haxawarrootahonna cubbaataamma baalaho, assitanno bunshe baalatenna Maganu aana coyidhanno saora yoo yaannonsa» yee coyi'rino.

YIHUDA 1:18

Insa, «Goofimarchu yannara uminsa yorto maganiweelote hoode heedhanno haariimaasine dagganno» yitino'ne.