YIHUDA 1:11 - Qullaawa Maxaafa

¹¹ Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!

YIHUDA 1:11 Iomraidhean Croise

LAYINKI MOOTOOLLA 16:16

Ooriyono Akaazi hajajinosi gede assi.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ISAYAASI 3:9

Laihu baalu bunshensa albinsa aana afanno; Soddoomu manni gede cubbonsa goltukkinni xawoho hasaabbanno. Uminsa aana bao abbidhino daafira insara aanne'e!

ERMIYAASI 13:27

Ani giweemmo coye assoottata afoommo. Manni galte dooyyanno manchinna iyyanno wodali gede, ilaallatenna gattate dagate maganna hoode ha'roottata afoommo. Yerusaalame atera aanne'e! Ati mamaro keeraa'matta ikka?

HIZIQEELI 13:3

«Ani Mootichu Kaaliiqi, hedonsanni kalaqqe himana coyidhannoriranna ajuuja affukkinni, ‹Ajuuja anfoommo› yitannorira tidhitinokki himanaanora aanne'e!

MIKIYAASI 6:5

Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.

ZAKKAARIYAASI 11:17

«Ge'reewo towatannokkihura tidhinokki allaalaanchira aanne'e! Bise cigilesinna qiniiticho illesi qasso! Cigilesi co'o yite laanshaabbo! Qiniiticho illesino co'o yite ballito!» yiie.

KIIRO 31:16

Fegoori hee'neenna Beleaami amaale adhe Israeele Kaaliiqiwiinni huninorinna mannu qoomamanno gede assinori di"insaati?

MAATEWOOSI 11:21

«Koraaziinira aanne'e; Beetesayidaho aanne'e; ki'ne giddo assinoonni maalale Xiroosinna Sidooni katammara assinoommero, hakkiicho hee'ranno manni xiddu uddano uddi're, buluulo aanaho giggishshi're, bi're albanni aagintaawe higinohu baino.

IBIRAAWOOTA 11:4

Aabeeli, Qaayeelita roortino kakkalo Maganoho shiqishinohu amma'natenniiti. Maganu Aabeeli kakkalo hagiidhe adhi yannara, Aabeeli amma'nasinni kainohunni keeraa'minota farci'noonni. Aabeeli reyirono, amma'nasi widoonni hige xaano coyi'ranni no.

LAYINKI PHEEXIROOSI 2:15

Insa suwashsho doogo habbinoreeti; halaaliweelcho woxe baxatenni Biioori beetti Beleaami doogo hadhino.

UMI YOHAANNISI 3:12

Bushunniha ikkinohu Qaayeeli rodoosi shiino; ninke hattoore ikkinoonke. Isi rodoosi mayira shii? Loosisi bushinohuraatinna rodiisi loosi dancha ikkinohuraati.

YOHAANNIS AJUUJA 2:14

Ikkollana misheemmohehu mitu mitu coyi no. Hakkuno, Beleaami roso adhinohu shiimu manni mereero'ne no. Beleaami, Israeelete manni kaphu magannara kakkalloonniha itannonna fooranno gede Baalaaqira mala uyino manchooti.