MAATEWOOSI 11:10 - Qullaawa Maxaafa

¹⁰ «Isi, ‹Kuneeti doogo'ya biddi assanno gede, soqqamaancho'ya balaxe soyemmo› yine borreessinoonnisiho.

MAATEWOOSI 11:10 Iomraidhean Croise

ISAYAASI 40:3

Mittu lallawanni, «Halalla Kaaliiqira doogo seekke! Moola gobbarano Maganinkera hala'lado doogo maxarre!

MILKIYAASI 3:1

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.

MILKIYAASI 4:5

«Kune jawunna waajjishannohu yoo'ya barri daara albaanni himanaancho Eeliyaasi ki'newa soyemmo'ne.

MAATEWOOSI 11:11

Halaale kuleemmo'nena, baattote aana ilamino manni giddo Cuuaancho Yohaannisi roorannohu dino. Gordu Gashshootira kayinni woriidiha ikkinohu roorannosi.

MAATEWOOSI 11:3

«Daanno yinihu ateetinso wole agadhino?» yite xa'mitanno gede assi.

MAATEWOOSI 3:3

« ‹Mootichu doogo qixxeesse; doogosino taashshe!› yaanni halalla raaranno manchi huurooti» yee coyi'rinohu Yohaannisi isooti.

MAARQOOSI 1:2

Himanaanchu Isayaasi, «Kuneeti atera alba asse, doogokki qixxeessannoha, sokkaancho'ya soyemmo.

LUQAASI 1:76

Qolleno, ate beetto'ya, Wo'munkura Aliidi Magani himanaanchooti yinannihe. Atino doogosi seekkate, balaxxe Mootichu albaanni ha'ratto.

YOHAANNISI 1:23

Yohaannisi qole, «Himanaanchu Isayaasi yiinonte gede, ani, ‹Maganu doogo maxarre!› yaanni, halalla lallawanno manchi huurooti» yii.