MAATEWOOSI 1:21 - Qullaawa Maxaafa

²¹ Ise labbaa beetto iltanno; isi mannasi cubbunni gatisanno daafira su'masi Yesuusa yite fushshatto» yiisi.

MAATEWOOSI 1:21 Iomraidhean Croise

KALAQAMA 17:19

Maganuno, «Dee'ni! Addaho galtekki Saara labbaa beetto iltannohe; su'masino Yisihaaqi yite woshshatto; isi gedensaanni sirchisira hegerera ikkanno gede gondooro'ya isi ledo e"eemmo.

KALAQAMA 17:21

Gondooro'ya kayinni daanno diro tenne yannara Saara iltannohehu Yisihaaqi ledo e"eemmo» yiisi.

KALAQAMA 18:10

Wosinisi giddonni mittu, «Daanno diro techonte gede atewa galagale higeemmo; galtekki Saara qaaqqo afidhanno» yii. Saarano dukkanu waalchira Abirihaamira badheenni heedhe konne coye macciishshitu.

ERMIYAASI 23:6

Isi moohanno waro, Yihudu keere hee'ranno; Israeeleno harshammi yitanno. Su'masino, ‹Kaaliiqi keeraanchimmankeeti› yinanni.

ERMIYAASI 33:16

Hatte yannara Yihudu gatanno; Yerusaalameno fooliishshidhe keere heedhanno; katamu su'mano, ‹Kaaliiqi Keeraanchimmankeeti› yinanni.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

MAATEWOOSI 1:25

Ikkollana qaaqqo ilta geeshsha ise ledo galtimmate xaadooshshe diassi'rino. Qaaqqohono su'ma Yesuusa yee fushshi.

LUQAASI 1:13

Sokkaasinchu kayinni, «Zakkaariyaasi, waajjitooti! Maganu huuccattokki macciishshino; galtekki Elsaabeexi labbaa beetto iltannohe. Su'mano Yohaannisi yite fushshattosi.

LUQAASI 1:31

Kuneeti, godobbe labbaa beetto ilatta; su'mano Yesuusa yite fushshattasi.

LUQAASI 2:11

Kuneeti, techo Daawiti katamira Gatisaanchu ilamino'ne. Isi Mooticha Kiristoosaati.

LUQAASI 2:21

Settikki barra qaaqqo barcimshiishate seera wonshinanni hee'ne su'ma Yesuusa yine fushshinisi. Kuni su'mi, godowamara albaanni sokkaasinchu fushshinosi su'maati.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

YOHAANNISI 4:42

Manchoteno, «Xa ninke iso amma'ninoommohu, ati kuloottankehura ikkikkinni, ninke uminke macciishshinoommo daafiranna isi addinta alamete gatisaancho ikkinota buunxoommo daafiraati» yitu.

SOQQAMAASINETE LOOSO 13:23

Kunni manchi sirchinni Maganu uyino hexxo garinni Israeelete Gatisaancho Yesuusa abbino.

SOQQAMAASINETE LOOSO 3:26

Maganu Soqqamaanchosi doore soyinohu balaxe ki'neraati. Hatto assinohu mittu mittunku bunshete doogonni higgineenna maassi'ra'neraati» yii.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

SOQQAMAASINETE LOOSO 5:31

Maganu Israeelete aagintaabbeenna cubbonsa agurara, Yesuusa Gashshaannanna Gatisaancho asse qiniitesiinni ayirrinyunni ofollanno gede assino.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.

UMI YOHAANNISI 3:5

Isi cubbo hunara dayinota egentinoonni; isira cubbu dinosi.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.

EJJEETTO 13:3

Kaaliiqi sokkaasinchi manchote leelle, «Ati ooso ilte diegennootta. Xa kayinni, godobbe labbaa beetto ilatta.

UMI SAAMUEELI 1:20

godobbe labbaa qaaqqo iltu. Iseno, «Kaaliiqa huucci're afi'roommaho» yitanni su'ma Saamueeli yite fushshitusi.