LUQAASI 1:7 - Qullaawa Maxaafa

⁷ Ikkollana, Elsaabeexi gaana ikkitinohura ooso dinonsa. Lamunku lowo geeshsha geedhitino.

LUQAASI 1:7 Iomraidhean Croise

IBIRAAWOOTA 11:11

Saarano hexxo uyino Magani ammanaminoha ikkinota affino daafira, lowo geeshsha geedhitinohura ila dandiitannokkita ikkiturono, godowate wolqa afidhinohu ammanatenniiti.

UMI SAAMUEELI 1:2

Hiliqaanara Haannanna Finaana yinanniri lamu meenti noosi. Finaanara ooso noosena Haanna kayinni ila diafidhino.

KALAQAMA 18:11

Hatte yannara, Abirihaaminna Saara lowo geeshsha geedhe no; Saararano ilate diri sae noose.

KALAQAMA 25:21

Ribiqa ila keeshshiteenna Yisihaaqi ise daafira Kaaliiqa huucci'ri; Kaaliiqino huuccattosi macciishsheenna Ribiqa godobbu.

LAYINKI MOOTOOLLA 4:14

Elsaino Giyaazira, «Hanni ma"assoseyya?» yii. Giyaazi daware, «Ayiddaannise geerchoho; iseno ila afidhinokkita afoommo» yii.

KALAQAMA 17:17

Abirihaamino alba hige gombisame kumbuuli; oso'le kae wodanisinni, «100 diro ikkino manchi halaalinta ooso ilannoni? 90 diro ikkinoseti Saarano iltannoni?» yii.

ROOMU SOKKA 4:19

Xibbu diriha ikke noo yannara, bisisi reyino daafira ila dandaannokkitanna Saarano gaananna geercho ikkasenni ilte affannokkita afe hee'reennanni ammanasi didaafurtino.

UMI MOOTOOLLA 1:1

Moote Daawiti lowo geeshsha geedhino daafira soqqamaanosi qiida hoolate uddano duuntinosi. Ikkollana qiida dihooltinosi.

KALAQAMA 30:1

Raaheeli Yaiqoobira ooso iltinokki daafira rodoose hinaassu. Yaiqoobino, «Ila uyie; hakkuyi ka'a reemma» yitusi.

LUQAASI 1:5

Heeroodisi Yihudu gobbara moohe hee'reenna, Abiya qeesooti gaamo giddo, Zakkaariyaasi yinannihu mittu qeesichi no. Isira Aarooni sircho ikkitannoti Elsaabeexi yinanni galte noosi.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

LUQAASI 1:8

Hatte yannara Zakkaariyaasira qeesootu gaamo soqqanshora bado iilliteennasi, Maganu albaanni qeesimmate soqqansho soqqamanni no.