LUQAASI 1:3 - Qullaawa Maxaafa

³ Kunnira ani uminni kayise baalanka coye xiinxalle laummohu gedensaanni dhagge aante aantetenni borreessammohera hasi'roommo.

LUQAASI 1:3 Iomraidhean Croise

FAARSO 40:5

Kaaliiqa Magano'ya assootto dhagge lowote; ate gedeehu horontanni dino; ati ninkera maala'linanni coye hedoottonke; hasaawenna coyi're gude diafeemmo!

FAARSO 50:21

Konne baala assitinanna sammi yee laummota, ane ki'ne gedeeha assitine kiirtinoonnie; xa kayinni xawoho abbooshshi're, la'inanna borooreemmo'ne.

LAWISHSHA 22:21

Halaalu maatiro rosiissannohe; soyinohehurano halaalaancho dawaro abba dandaatto.

ROSIISAANCHO 12:9

Hayyichu rosiisaanchi egennaamo ikkinohura mannaho egenno rosiisino. Isino maammaashsha xiinxallihu gedensaanni, aante aantetenni qixxeesse worino.

LUQAASI 1:1

Ayirradu Tewofiloosi: Ninkera mereero ikkino coye kultanno dhagge albaanni lowo manni borreessino.

SOQQAMAASINETE LOOSO 1:1

Tewofiloosi: Umi borro'yara Yesuusi loosinorenna rosiisinore baala borreessoommo. Borreessoommohu Yesuusi loososi hanafihunni kayise,

SOQQAMAASINETE LOOSO 11:4

Kunnira, Pheexiroosi ikkino coye baala gudise kulanninsa,

SOQQAMAASINETE LOOSO 15:19

«Kunnira ane hedo ikkiro, Maganunniwa higgino dagara konne duha duhisiisa dihasiissannonke.

SOQQAMAASINETE LOOSO 15:25

Kunni coyira songine shiima manna doorre, lowo geeshsha banxeemmori Phaawuloosinna Barnabaasi ledo sonkoommo'ne.

SOQQAMAASINETE LOOSO 15:28

Kunninni aane noohu hasiisanno coyi gobbaanni wole lowo duha duhisiisa hooganke Qullaawu Ayyaaniranna ninkera dancha labbinonke.

SOQQAMAASINETE LOOSO 18:23

Hakkiicho marinowa shiima barra keeshshi. Hakkunni gedensaanni Galaatiyunna Firigiyu gobbara dargunni darga sa"anni ammanaasine jawaachishi.

SOQQAMAASINETE LOOSO 23:26

«Ayirradu, gobba gashshoottohu Filikisi, ane Qelawudewoosi Lusiyoosiwiinni keeru iillohe!

SOQQAMAASINETE LOOSO 24:3

Ayirrado Filikisi, konne dancha loosokki wo'mante yannara wo'manka darga lowo galatinni adhinanni hee'noommo.

SOQQAMAASINETE LOOSO 26:25

Phaawuloosi qole, «Ayirrado Fisxoosi! Halaalenna taalo coyella coyi'roommo ikkinnina dimacharaaroommo.

UMI QORONTOOSI 16:12

Rodiinke Aphiloosi wolu roduuwi ledo daye ki'ne la"anno gede lowo geeshsha huuccoommo. Isi kayinni xa daara horonta dihasi'rino. Kunni ka'a injiisiro daanno.

UMI QORONTOOSI 7:40

Ane hedo gede ikkiro, adhantukkinni heedhoommero roore hagiirraame ikkitanno. Anerano Maganu Ayyaani ledo'ya nooha lawannoe.

UMI XIMOOTEWOOSI 4:6

Konne roso ammanino mannira seekkite kulittoro, ammanate qaalenna ha'runsattohu danchu rosinni lophattoha Yesuusi Kiristoosiha dancha soqqamaancho ikkatto.