Ucab Samuel 18:9 - Quiché Bible

⁹ Ri Absalon, ri quiejeninak bic chrij jun mula, man c'o ta cunabej xuq'uiaka' rib chquiwäch ri e terenel tak rech ri David. Xunima' c'u rib ri mula chuxe' jun nimalaj bakit, xch'epi c'ut ri u jolom ri Absalon xo'l tak ri u k'ab ri bakit, xtzayi' c'u can pa ri quiakik', ri mula xak xoc'owic.

Ucab Samuel 18:9 Iomraidhean Croise

Ucab Samuel 14:26

Aretak cusocaj ri u wi' ri cuban chuq'uisbal junab, cuya' c'u latz' che, ri e u wi' c'o na chuwäch job libra ri quepajanic, jacha' pa ri pajbal aj k'atbal tzij.

E C'ambal tak Tzij 30:17

Ri cäretzelaj u wäch ri u tat cäretz'bej c'u u wäch ri u nan ri nim winak chic, ya'tal che chi quec'otix ri e u bak'wäch cumal ri joj xukuje' chi cätij cumal ri cot.

Ri Job 31:3

¿La ma ta che ri banal etzelal xukuje' che ri ajmac ri takal wi ri u q'ueyowal?

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

Marcos 7:10

U bim c'u can ri Moises ojer: ‘Nim chebawila' wi ri a tat a nan.’ Xukuje' xubij: ‘Apachin ri cuyok' u tat u nan, cäcämisax na.’

Ri Jeremiy 48:44

Ri man cäkaj ta pa qui k'ab ri tzucunelab cätzak na chupam jun jul, are c'ut ri quel ulok chupam ri jul quekaj na chupam ri c'amibal, rumal rech chi ri in quinc'am na ulok puwi' ri Moab ri k'ijol re ri c'äjisabal u wäch. In, ri Ajawaxel, quinjiquiba' u bixic.

E C'ambal tak Tzij 20:20

Ri cuc'okoj ri u tat o ri u nan, cäcäm na pa ri xibibalalaj k'ekumalil.

Ucab Samuel 18:14

“Man quintakej ta u tzakic nu k'ij awuc'” xcha' ri Joab; xebuc'am c'u bic oxib ch'ab, xebe u t'isa' puwi' ranima' ri Absalon, ri c'a c'asal xo'l tak ri u k'ab ri bakit.

Ucab Samuel 17:23

Aretak c'u xril ri Ahitopel chi man xbantaj ri xubij xuquiejej ri u bur xbe cho rachoch, pa ri u tinimit, aretak c'u xesuc'umataj conojel ri jastak rech cho rachoch, xujitz'aj rib. Je u cämic wa', xmuk c'u chupam ri xmuk wi ri u tat.

U Camulixic ri Pixab 27:20

‘C'okotajinak ri winak ri cunim rib ruc' ri rixokil ri u tat cäresaj u q'uixbal ri u tat rumal ri cubano.’ Conojel ri tinimit cäquibij na: ‘Je chelok.’

U Camulixic ri Pixab 27:16

‘C'okotajinak ri winak ri man nim ta cäril wi ri u tat o u nan.’ Conojel ri tinimit cäquibij na: ‘Je chelok.’

U Camulixic ri Pixab 21:23

ri u cuerp man cäcanaj ta can ronojel ri jun ak'ab chila', rajawaxic cämuk kas pa ri k'ij ri xcämic, c'okotajinak c'ut rumal ri Dios ri cäcämic ri tzayabam cho jun che. Ri ix man cuya' ta quiban tz'il che ri c'olbal ri cuya' ri Ajawaxel ri i Dios chiwe che iwechbal.”

Ri Matey 27:5

Ri Judas xuq'uiak can ri sak puak pa ri rachoch Dios. Xel bic, xbe che u jitz'axic rib.

Ucab Samuel 13:29

Che c'ut, u nimaxic ri u takanic ri Absalon, ri u pataninelab xquicämisaj ri Amnon. Conojel c'ut ri e u c'ojol ri ajawinel xewalijic, xequiquiejela' tak ri qui quiej xebanimajic.

Ucab Samuel 18:8

Ri ch'o'j xulic' rib pa ronojel ri ulew, pa we k'ij ri' are e q'ui na ri xecäm rumal ri c'ache'laj chuwäch xecäm rumal ri ch'ich' re ch'o'j.

Ucab Samuel 18:10

Are c'u ri xilow wa', xbe che u bixic che ri Joab, xubij: “Xinwil ri Absalon tzayal xo'l tak ri u k'ab jun bakit.”