Salmib 99:2 - Quiché Bible

² Ri Ajawaxel nim u k'ij puwi' ri juyub Sion; ri Ajawaxel c'o paquiwi' conojel tak ri tinimit.

Salmib 99:2 Iomraidhean Croise

Salmib 97:9

ri lal c'ut, Ajawaxel ri lal c'o chicaj, lal c'o puwi' ronojel ri uwächulew, nim na banic la chquiwäch ri diosib.

Ri Isaiy 14:32

¿Jas ri cuya' cätzelex bic u bixic chque ri e qui takom we nim tinimit ri'? Chi ri Ajawaxel co u jekebam ri Sion e are' c'u ri e ch'ibatajinak che ri u tinimit caquito' na quib chila.

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Salmib 113:4

Ri Ajawaxel c'o paquiwi' ri nimak tak tinimit; ¡ri u juluwem c'o puwi' ri caj!

Salmib 66:7

Ruc' ri u cuinem cuk'at tzij chbe k'ij sak; ri u bak'wäch quebuyuxlej ri nimak tak tinimit rech ri man caraj ta ch'abexic man caquiwalijisaj ta quib chrij.

Salmib 50:2

Ri Dios cächuplin ulok pa ri Sion, ri tinimit ri sibalaj tz'akat ri u je'lal.

Ajilanic 23:21

Man c'o ta jachin jun rilom ta subunic mawi etzelal pa Israel, ri u tinimit ri Jacob. Ri Ajawaxel ri u Dios c'o cuc', ri e are' caquiya' u k'ij jacha' jun ajawinel.

Salmib 47:3

Xebutuquij tak tinimit xukuje' nimak tak tinimit xebucoj chuxe' ri ka takanic.

Salmib 47:8

¡Ri Dios are ri cajawinel ri nimak tak tinimit! ¡Ri Dios t'uyul puwi' ri tastalicalaj u tem re ajawibal!