Salmib 102:1 - Quiché Bible

¹ Ajawaxel, chtatabej la ri nu ch'awem uc' la, chopan c'ut ri nu rakoj chi'aj uc' la.

Salmib 102:1 Iomraidhean Croise

Ucab Tzijobelil 30:27

Chuq'uisbalil c'ut ri e cojol tabal tok'ob xukuje' ri aj levitib, xetaq'ui'c xquitewichi'j ri tinimit; xetatabex c'ut rumal ri Ajawaxel, ri qui ch'awem ruc' Dios xopan c'ä pa ri caj, pa ri c'olbal jawije' ri jekel wi ri Dios tastalic ri man cuban taj etzelal.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

Salmib 143:4

Kas in c'o chupam ri latz'; quel ch'u'j ri wanima'.

Salmib 143:7

Ajawaxel, ¡tzelej la ulok u wäch ri nu tzij aninak, cätajin caq'uis ri wuxlab! Mak'il la ri to'banic la chwe, quinux c'u na ri' e jacha' ri cäminakib.

Salmib 145:19

Ri are' cutz'akatisaj ri qui rayibal ri q'ueyo'w u k'ij; aretak cäquitz'onoj ri u to'banic, quebuto', quebucolo.

Salmib 18:6

Pa ri nu bis xinsiq'uij ri Ajawaxel; xintz'onoj ri u to'banic ri nu Dios, xinutatabej ri are' pa ri rachoch; xopan ri nu rakoj chi'aj pa ri u xiquin.

Salmib 39:12

Ajawaxel, tatabej la ri nu ch'awem ri quiban chwäch la, ¡chetatabej la ri e nu juyuwem!, ¡xak mail la ri u wa'l nu wäch! Ri in in uxinak che la xa in oc'owel jun chicop ri c'o u xic', e jacha' ri e nu mam.

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Salmib 61:2

Pa ri q'uisbal jutz' re ri uwächulew quintz'onon bic che la, are' c'u ri wanima' cätuktubic, chinto'tajisaj ba la puwi' jun nimalaj abaj.

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Salmib 77:3

Cänataj ri Dios chwe, quinok' c'ut; quinkaj che chomanic, cuban quieb nu c'u'x.

Elem 2:23

Q'ui junab chic banom wa', aretak xcäm ri ajawinel re Ejipt. Ri aj israelib xquitakej ok'ej xukuje' elem ch'u'j rumal ri c'axalaj chac ri e takom che u banic. Xuta' c'ut ri Dios ri qui juyuwem.

Juyuwem 3:44

Xabolk'otij ib la chupam jun sutz' rech man quetatabej ta la ri e ka bochi'nic.

Juyuwem 3:8

pune' xinrak nu chi' che u tz'onoxic to'banic, man c'o ta xubij u c'u'x chque tak ri e nu bochi'nic;

Ri Lucax 22:44

Aretak xel ch'u'j ri ranima', sibalaj xbochi'n che ri Dios. Are ri u c'atanal je jas ri ju tak tz'uj quic' ri cäkaj cho ri ulew.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

K'atal tak Tzij 10:16

Ri aj israelib xequesaj bic tak ri diosib ri quequik'ijilaj, xquichaplej chi u k'ijilaxic ri Ajawaxel, ri Ajawaxel man xucoch' ta chi rilic chi ri aj israelib cäquitakej u rikic c'ax.

Nabe Samuel 9:16

“Je jok'otaj wa' chwek, quintak na ulok jun achi aj Benjamin awuc', ri catas na che u k'atal tzij ri nu tinimit Israel. Are' quesan na pa qui k'ab ri aj pilisteyib, elinak nu c'u'x che ri nu tinimit aretak e opaninak tak ri qui ch'abal chnuwäch.”