Ri Lucax 2:4 - Quiché Bible

⁴ Xel c'u ulok ri Jose pa ri tinimit Nazaret re Galiley, xbe pa ri u tinimit ri David pa Judey, Belen u bi'. Ri Jose are jun chque ri e rija'l ri David.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri José xel bꞌik pa ri leꞌaj Nazaret, xeꞌ pa Galilea pa ri tinimit Belén ri kꞌo pa ri tinimit Judea, najtir ukꞌolibꞌal ri David.

K'iche'

⁴ Xa je ri' xel lok ri tat José pa ri tinimit Nazaret re Galilea, xe'c, xopan pa jun tinimit re Judea, Belén u bi'. Chila' xe' wi ri tat José rumal chi are rachalaxic ri mam David. Ri tinimit Belén are u tinimit ri mam David pa ojer tak k'ij canok.

K'iche' (New Orthography)

⁴ Xa je ri' xel loq ri tat José pa ri tinimit Nazaret re Galilea, xe'k, xopan pa jun tinimit re Judea, Belén u b'i'. Chila' xe' wi ri tat José rumal chi are rachalaxik ri mam David. Ri tinimit Belén are u tinimit ri mam David pa ojer taq q'ij kanoq.

Ri Lucax 2:4 Iomraidhean Croise

Chapletajic 35:19

Je cämical wa' xurik ri Raquel, xmuk c'u can chuchi' ri be ri cäbe pa Eprat, ri cäbix Belen che camic.

Chapletajic 48:7

Aretak in tzelejinak chi ulok pa Padan-aram, xcäm ri Raquel ri a nan pa Canaan, xa co'l, man cujopan pa Eprat; xinmuk c'u can chuchi' ri be re Eprat ri are Belen camic.”

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Ri Matey 1:20

Aretak ri Jose cätajin cuchomaj wa', xpe jun tako'n aj caj re ri Ajawaxel, xuc'ut rib chuwäch pa ichic', xubij: “Jose, rija'l ri David, maxe'j awib che u c'amic ri Mariy che awixokil. Rumal rech chi ri ral ri cäc'oji' na are rumal ri Ruxlabal ri Dios.

Ri Matey 2:23

Xebopanic, xec'oji' pa jun tinimit Nazaret u bi'. Jewa' xquibano rech je cäbantajic jas ri tzijom can cumal ri e k'axal tak tzij, chi ri Jesus cäbix na aj Nazaret che.

Ri Lucax 2:3

Xebe c'u conojel che u tz'ibaxic qui bi', chquijujunal pa ri qui tinimit.

Ri Lucax 2:5

Ri Jose xbe pa Belen che u tz'ibaxic ri u bi' junam ruc' ri Mariy, ri u tz'onom chic. Ri Mariy yawab winak chic.

Ri Lucax 4:16

Ri Jesus xopan pa Nazaret, are ri tinimit jawije' xq'uiyisax wi. Pa ri k'ij re uxlanem, xoc bic pa ri ja ri cäquitijoj wi quib ri aj judeyib che ri pixab, jas ri u nak'atisabal. Xtaq'ui' c'ut che u siq'uixic ri wuj.

Ri Xuan 1:46

Xubij ri Natanael che: “¿La cuya' ta c'u lo quel ulok jun utzalaj jasach pa Nazaret?” Xubij ri Pelip che: “Tasaj, chalawilampe'.”

Ri Xuan 7:42

¿La ma ta cubij ri Tz'ibatalic chi ri Crist are rija'l ri David, cäpe na pa Belen, ri alaj tinimit ri xpe wi ri David?”

Ri Rut 1:19

je c'u ri' qui cabichal xquitakej ri qui be c'ä xebopan na pa Belen. Aretak xeboc pa Belen, xeyactaj conojel ri winak chupam ri tinimit. Ri ixokib je xquibij wa': “¿La man are' ta wa' ri Noemi?”

Ri Rut 2:4

xopan c'u ri Booz, u petic pa Belen xuya' c'u rutzil qui wäch ri ajk'atolob: “¡Are' ri Ajawaxel chc'ol iwuc'!” “¡Are' ri Ajawaxel chtewichi'n la!” xecha' che.

Ri Rut 4:11

Ri nimak tak tatayib xukuje' conojel ri e c'o apanok xquitzelej u bixic: “Je', xkato. ¡Ri Ajawaxel chubana' chi ri ixok ri coc chupam ri awachoch chuxok jacha' ri Raquel xukuje' ri Lea, ri petinak wi ri kija'lil konojel ri uj aj israelib! Are c'u ri at, chatux jun achi ri nim a banic pa Eprat, jun achi ri nim u k'ij pa Belen.

Ri Rut 4:17

Aretak xil cumal ri c'ulja xquibij: “¡Ri Noemi xralaj jun ral ala!” Ri u bi' ri xquicojo Obed. Are' c'u wa' ri xux u tat ri Isayi u mam ri David.

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 16:4

Ri Samuel xuban ri xtak wi rumal ri Ajawaxel. Aretak xopan pa Belen, ri nimak tak tatayib re ri tinimit xebel ulok che u c'ulaxic ruc' jubik' xe'n ib, xquic'ot c'u u chi', xquibij che: “¿La lal petinak pa jamaril?”

Nabe Samuel 17:12

C'o jun achi pa Belen Isayi u bi', ri sibalaj nim winak chic pa tak ri u k'ij ri Saul. We achi ri' e c'o wajxakib u c'ojol, jun chque wa' are ri David.

Nabe Samuel 17:58

ri xc'ot u chi' rumal, xubij che: “Ala, chabij chwe, ¿Jachin ri a tat?” Ri David xutzelej u bixic che: “Are' nu tat ri Isayi, ri aj Belen, pataninel ech la.”

Nabe Samuel 20:6

we c'u ri a tat quinuta' chawe chabij che chi sibalaj ruc' aninakil xintz'onoj chawe rech quinbe pa ri nu tinimit, Belen, rumal rech chi conojel ri wachalaxic cäquiban nimak'ij cäquiya' ri tabal tok'ob chi junab.