Ri Lucax 1:2 - Quiché Bible

² Ri xbantajic are je jas ri xc'ut chkawäch cumal ri xeilow ruc' ri qui bak'wäch kas pa ri u chaplebal, e pataninelab c'u wa' che ri Tzij.

RI KꞌAKꞌ TESTAMENTO PA TZIJOBꞌAL KꞌICHEꞌ

² Are waꞌ ri xkikꞌut loq chiqawach ri qas xiꞌlow ronojel ri xkꞌulmatajik pa ri majibꞌal re, ri e tzijol taq re ri utz laj tzij.

K'iche'

² Ri xbantaj na are je' jas ri c'utum chkawäch cumal ri winak ri xquil ronojel wa' kas pa ri u chaplexic lok. We winak ri' e are' ri xetob chutzijoxic ru Lok' Pixab ri Dios.

K'iche' (New Orthography)

² Ri xb'antaj na are je' jas ri k'utum chqawäch kumal ri winaq ri xkil ronojel wa' qas pa ri u chaplexik loq. We winaq ri' e are' ri xetob' chutzijoxik ru Loq' Pixab' ri Dios.

Ri Lucax 1:2 Iomraidhean Croise

Marcos 1:1

U tiquitajic ri utzalaj u tzijol ri Jesucrist, ri u C'ojol ri Dios.

Marcos 16:20

Ri u tijoxelab xebel bic, xquitzijoj chque ri winak pa tak ronojel c'olbal jas u banom ri Jesus. Ri Ajawaxel xebuto'o xukuje' xubano chi xquibana etal che u k'alajisaxic chi rech ri Dios ri tzij ri cäquibij. Je chbanok.

Marcos 4:14

Ri ticol ija' are cubij ri winak ri cäquitzijoj ri tzij.

Ri Lucax 24:48

Ix c'ut ix k'alajisanelab che wa'.

Ri Xuan 15:27

Xukuje' ri ix quixk'alajisan na, rumal rech chi ix c'olinak c'u wuc' kas pa ri tiquiritajic.”

Ri Xuan 16:4

Are c'u we jastak ri' nu tzijom chiwe, rech aretak copan we k'ijol, cänataj na chiwe chi nu bim chi ulok chiwe. We jastak ri' man xinbij ta chiwe kas pa ri tiquiritajic, rumal rech chi c'ä in c'o iwuc'.”

Hechos 1:3

Aretak elinak chi chupam ri c'ax ri xuriko, c'aslic xutac'aba' rib chquiwäch. Q'ui jastak xuban cuc' rech cäquetamaj chi kastzij c'aslic. Cawinak (40) k'ij xuc'utula' rib chquiwäch, xutzijola' ri rajawibal ri Dios chque.

Hechos 1:8

Aretak c'u chpe ri Ruxlabal ri Dios piwi', quic'am na cuinem quixel c'u na bic che u ya'ic k'alajisanic chwij, pa Jerusalen pa ronojel ri ulew re Judey xukuje' pa Samar, xukuje' c'u pa tak ri tinimit ri sibalaj naj e c'o wi cho ronojel ri uwächulew.”

Hechos 14:25

Qui tzijom chic ri tzij pa ri tinimit Perje, xekaj bic pa Atal.

Hechos 16:6

Xeboc'ow pa Prij. Xeboc'ow pa tak ri tinimit aj Galas. Xek'atix c'u rumal ri Ruxlabal ri Dios che u tzijoxic ri tzij chque ri winak ri e c'o pa Asiy.

Hechos 17:11

Sibalaj utz ri qui no'j ri aj Berey chquiwäch ri e c'o pa Tesalon. Xquic'am ri tzij ruc' ronojel canima'. K'ij chi k'ij cäquitzucuj chupam ri Tz'ibatalic, che rilic we kastzij ri cubij chque.

Hechos 26:16

Chatwalij ba', chattac'alok. Nu c'utum c'u wib chawäch, che a cojic che pataninel xukuje' che k'alajisal quech ri jastak ri e awilom xukuje' ri jastak ri quinc'ut wi na wib chawäch.

Hechos 4:20

Man cujcuin ta c'ut chi ma ta cäkatzijoj ri kilom ri ka tom.”

Hechos 8:4

Are c'u ri cojonelab ri xquijabuj quib, apawije' ri quebe wi, cäquitzijoj ri u tzij ri Dios chque ri winak.

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

1 Corintios 4:1

Rajawaxic chi ri ix quiwetamaj chi uj xa' uj pataninel re ri Crist, yo'm pa ka k'ab ri jastak re ri Dios ri man etamatal ta can nabe, rech cäkatzijoj.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

1 Pedro 5:1

Quebenpixbej ri tatayib ri e c'o chixo'l ri quetakan chque ri comon cojonelab. In c'u cach tata', in xinwil ri c'ax ri xurik ri Crist, xukuje' junam cuc' ri e are' quinc'am na we ri juluwem ri quilitaj na.

2 Pedro 1:16

Aretak xkatzijoj ri u cuinem xukuje' ri u petic ri Kajaw Jesucrist chiwe, man xkatzijoj ta chomanic chiwe ri xa' ta pa qui jolom ri winak elinak wi ulok, xane kas uj xujilow ri u nimalil ri Jesucrist.