Nabe Samuel 4:2 - Quiché Bible

² xquicholajij c'u quib che u banic ri ch'o'j cuc' ri aj israelib, aretak c'u xchapletaj ri ch'o'j are c'u xecuin ri pilisteyib che qui ch'äquic ri aj israelib xequicämisaj quiejeb mil (4,000) aj israelib pa ri ch'o'j.

Nabe Samuel 4:2 Iomraidhean Croise

Juyuwem 3:40

Kas utz u nic'oxic ri ka c'aslemal ka bana', chujtzelej c'ut ruc' ri Ajawaxel.

Aj Levitib 26:37

Cäquipuq'uila' tak na quib, je ta ne ri quebanimaj chquiwäch ajch'ojab, pune' man c'o jun quebokatanic; ¡man c'u quixcuin taj quito' ta iwib pa qui k'ab ri e i c'ulel!

Ajilanic 14:45

Xebel c'u ulok ri aj amalesib xukuje' ri aj cananeyib ri e jekel chupam ri ulew ri', xecokataj c'ut ri aj israelib c'ä pa Horm, xech'äcataj c'u cumal.

Ri Josue 7:12

Rumal ri' ri aj israelib man que cuintaj quech'äcan paquiwi' ri e qui c'ulel. Quebanimaj na chquiwäch, are' c'u ri camic ri aj israelib takal chque chi casachisax qui wäch. We c'u ri ix man qui sachisaj ta u wäch ri xinya' wi takanic chi casachisax u wäch, man quintakej ta c'olem iwuc'.

Nabe Samuel 17:21

Ri aj israelib xukuje' ri aj pilisteyib xquicholajij quib xuc'ulaj tak rib qui wäch.

Nabe Samuel 17:8

Ri Goliat xutac'aba' rib xubij chque ri ajch'ojab aj israelib: “¿Jasche ix elinak ulok che u banic ch'o'j? Ri in in jun aj pilistey, are c'u ri ix ix c'o chuxe' ri u takanic ri Saul, chicha' ba' jun chixo'l rech cäkaj ulok che ch'ojinic wuc'.

Nabe Samuel 4:1

Pa tak ri k'ijol ri' xquimulij quib ri pilisteyib che ch'ojinic cuc' ri aj israelib, rumal c'u ri' xewalij ri aj israelib che u banic ch'o'j cuc' ri pilisteyib, xebekaj c'u chunakaj ri Eben-ezer. Ri pilisteyib xebekaj ri cajch'ojab pa Apec,

Nabe Samuel 4:10

Xeboc c'u ri aj pilisteyib che ch'o'j xequich'äc c'u ri aj israelib, ri xebanimajic xetzelej pa ri qui kajebal. Ri cämisanic ri xbanic sibalaj xibibal, xecämisax juwinak lajuj mil (30,000) cajch'ojab ri aj israelib.

Nabe Samuel 4:3

Aretak xetzelej ri ajch'ojab aj israelib pa ri kajebal, ri e qui nimak tak tatayib ri aj israelib xquibij: “¿Jasche xuya' c'olbal ri Ajawaxel chi xujquich'äc ri aj pilisteyib camic? ¡Jekac'ama' ulok pa Sil ri caxa ri c'o wi ri u c'ulwächinic ri Ajawaxel, rech cäbin chkaxo'l cujucol c'ut pa qui k'ab ri ka c'ulel!”