Nabe Samuel 22:3 - Quiché Bible

³ Xel c'u bic ri David chila' xbe pa Mizpa, ri c'o pa Moab xubij che ri ajawinel pa Moab: “Quintz'onoj jun tok'ob che la chi ri nu tat xukuje' ri nu nan quecanaj can uc' alak c'ä quinwetamaj na ri cuban ri Dios chwe.”

Nabe Samuel 22:3 Iomraidhean Croise

Chapletajic 47:11

Ri Jose xuya' culew chupam ri ulew ri c'o pa Ejipt ri utz na, rech quejeki' chila', je jacha' ri takanic ri u yo'm ri ajawinel. Jeri' ri u tat xukuje' ri e rachalal xec'oji' tak culew chupam ri ulew ri c'o pa Ramses.

Ucab Samuel 8:2

Xukuje' xebuch'äc ri aj moabib, xuban c'u chque chi caquilemej quib cho ri ulew xeretaj c'u ruc' jun etabal c'am: e are' c'ut ri xecanaj chquipam ri cacab c'am, quec'okotaj che cämical, are' c'ut ri xecanaj chquipam jujun c'am, quec'asbax canok. Xecanaj c'u ri aj moabib chuxe' ri u takanic ri David xquitoj c'u na cuchuj pa u k'ab.

Elem 20:12

Nim chawila' wi ri a tat xukuje' ri a nan, rech naj catc'asi' cho ri ulew ri cuya' ri Ajawaxel ri a Dios chawe.

1 Timoteo 5:4

We c'u c'o jun malca'n ri e c'o ral o u wi' tak u mam, rajawaxic chi nabe ri e are cäquetamaj nim cäquil wi ri malca'n aj uwo rachoch xukuje' chiquiya' rajil u q'uexel che ri qui nan qui tat qui mam. Are c'u wa' utz cäril wi ri Dios, are cäkaj chuwäch.

K'atal tak Tzij 11:29

Ri ruxlabal ri Ajawaxel xpe puwi' ri Jepte, xubinibej c'u ri Galaad xukuje' ri Manases, xoc'ow pa Mizpa aj Galaad, xbe che u ch'äquic ri culew ri aj amonib.

Ri Rut 4:10

Xukuje' cux alak k'alajisanelab chi quinc'amowaj ri Rut che wixokil, ri malca'n aj moab, rech ri echbal cajeki' pa ri u bi' ri Malon, ri k'etz rachajil ri Rut, jeri' man cächup ta ri u bi' ri Malon chquixo'l ri c'o quebux che, mawi cäsach ta ri u bi' pa ri tinimit. Camic cacanaj alak che k'alajisanelab.”

Ri Rut 4:17

Aretak xil cumal ri c'ulja xquibij: “¡Ri Noemi xralaj jun ral ala!” Ri u bi' ri xquicojo Obed. Are' c'u wa' ri xux u tat ri Isayi u mam ri David.

Nabe Samuel 14:47

Jeri' ri Saul xumajij ajawinic pa Israel, xch'ojin c'u cuc' conojel ri e u c'ulel ri xebel ulok chrij pa ronojel c'olbal, e are c'u wa' ri Moab, ri Amon, ri Edom, ri ajawinel ri c'o pa Soba xukuje' ri aj pilisteyib. Apawije' ta ne ri cäbe wi che u banic ch'o'j, cäch'äcanic.

Nabe Samuel 22:2

Xukuje' xequimulij quib ruc' conojel ri e c'o pa tak c'axc'olil, conojel ri c'o qui c'as xukuje' conojel ri man cäquirik taj jas caquibano, ri David are xux c'amal qui be. Ri quebin ruc' craj e c'o quiejeb sient (400) achijab.

Nabe Samuel 22:4

Xebuc'am c'u bic ri David ri u tat u nan chuwäch ri ajawinel pa Moab, xec'oji' c'u can ruc' ronojel ri k'ijol ri xc'oji' ri David chupam ri to'bal ib.

Nabe Samuel 3:18

Ri Samuel xuk'alajisaj c'u ronojel ri xbix che man c'o ta xuc'u' canok ri ma ta xuk'alajisaj che. Xubij c'u ri Eli: “¡Ri are' are' ri Ajawaxel! Chbanok jachique ri utz cärilo.”