Nabe Samuel 13:5 - Quiché Bible

⁵ Xukuje' c'u ri aj pilisteyib, xquimulij quib che u banic ch'o'j cuc' ri aj israelib. E c'o c'u juwinak lajuj mil (30,000) qui carwaj re ch'o'j, wakib mil (6,000) cajch'ojab ri e quiejeninak chquij quiej xukuje' q'uialaj cajch'ojab e jacha' ri u sanyebil ri plo. Xebe c'u chusuq'uil ri Micmas chila' c'u xequijekeba' wi ri qui kajebal, pa ri u wiquiak'ab ri Bet-aben.

Nabe Samuel 13:5 Iomraidhean Croise

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Ucab Samuel 17:11

Are c'u ri camic, ri in quiya' no'j la chi chemulij la conojel ri aj israelib uc' la ri e c'o c'ä pa Dan cäjela' pa Beerseb, ri man quebajilataj taj e jacha' ri u bak'wäch tak ri sanyeb ri e c'o chu chi' ri plo, kas ta c'u lal cäc'amow la qui be che u banic ri ch'o'j.

Nabe Ajawinelab 20:27

Xukuje' ri aj israelib xequisolij ri e cajch'ojab xequiya' c'ut ri cajwataj chque, xebe c'u che u rikic quib cuc' ri aj siriyab. Aretak qui mulin chi quib chquiwäch ri aj siriyab, xak e alicha' je ta ne ri quepe catzobaj q'uisic', are c'u ri aj siriyab qui latz'obem ronojel ri ulew.

Ucab Tzijobelil 1:9

Are' c'u ri camic, Dios xukuje' Ajawaxel, chtz'akatisaj la u banic ri xbij la che ri David ri nu tat, xban c'u ya' la chwe chi quinux ajawinel re jun tinimit ri man c'o ta rajilabal jacha' ri u puc'uq'uil ri ulew.

Ri Isaiy 10:28

copan pa Ajat, cäk'ax pa Migron, cuya' can ri reka'n pa Micmas,

Ri Isaiy 48:19

ma ta quebajilataj ri' ri e awalc'ual, jacha' ri u sanyebil ri plo; in mawi jubik' ri' ma ta xinsach i wäch, mawi ma ta xixintas apan jela'.”

Ri Jeremiy 15:8

C'o na ri qui q'uiyal ri malca'nib ri xebenya' can chquixo'l chuwäch ri sanyeb re ri plo. Kas tiquil k'ij xinbano chi xkaj ri cämical paquiwi' ri nanaxelab ri e c'o tak cal c'ojolab; xak c'ätetal xinbano chi xkaj ri c'axc'ol xukuje' ri xibriquil paquiwi'.

Ri Osey 10:5

Ri winak aj Samar cabirbobic; cärok'ej chi cäsach u wäch ri alaj ama' wacax ri c'o pa Bet-aben. Rumal are' cajuyuw ri tinimit xukuje' tak ri e cojol tabal tok'ob, rumal rech chi sachinak u wäch ri u juluwem.

Ri Osey 4:15

We ri at, Israel, catux jun quech ri nim ch'utin, ma ta c'u ne chmacun ri Juda. ¡Mixbe ix pa Jilgal mawi mixpaki pa Bet-aben mawi quiban ri chi'nic ri kas cäban na, mixcha' rumal ri u c'aslemal ri Ajawaxel!

Ri Osey 5:8

¡Chiwok'isaj ri uc'a' re ch'o'j pa Gabaa xukuje' ri trompet pa Rama! ¡Chicojo' ri xe'n ib pa Bet-aben! ¡Chitica' ri tuquinibal ib pa Benjamin!

Romanos 9:27

Xukuje' ri Isaiy ojer co xch'awic, xubij chrij ri Israel: “Pune' ta e q'ui ri e rija'l ri Israel jas ri sanyeb ri c'o chuchi' ri plo xak c'u e quieb oxib ri caquirik na ri colotajic,

Ri Josue 11:4

Conojel tak we ajawinelab ri' xebel ulok, e cachil tak ri cajch'ojab e cuc'am quiej ri man quebajilataj taj xukuje' tak carwaj re ch'o'j. Sibalaj c'u e q'ui ri ajch'ojab rumal ri' man cuya' taj quebajilaxic, e jacha' sanyeb ri e c'o chuchi' ri plo.

Ri Josue 18:12

Ri u c'ulbatil we ulew ri' cachaptaj, pa ri riquiak'ab elebal k'ij, che ri nima' Jordan, culic' c'u rib cabe pa ri riquiak'ab ri Jerico, cataken c'u pa ri c'ache'laj ulew cabe chusuq'uil ri u kajebal k'ij, quetakal pa ri chaki'j uwo sak re Bet-aben.

Ri Josue 7:2

Ri Josue e u takom chi bic jujun achijab kas pa Jerico, rech quebe c'ä pa Hai, ri c'o pa elebal k'ij che ri Betel, chunakaj ri Bet-aben, xuya' takanic chque chi chequila' ri ulew. Xebe c'u che rilic ri Hai,

K'atal tak Tzij 7:12

Ri aj madianib, ri aj amalesib, xukuje' ri winak aj elebal k'ij, qui jabum quib pa ri beya' e jacha' jun sutz'alaj sac', sibalaj man quebajilataj ta ri qui camey ri e cuc'am, e jacha' ri sanyeb ri e c'o chuchi' ri plo.

Nabe Samuel 13:11

xubij c'u ri Samuel che: “¿Jasche je xaban wa'?” Xutzelej u bixic ri Saul: “Aretak xinwilo chi xquichaplej qui bic ri winak, man xul ta c'u la pa ri k'ij ri ch'icom la, qui mulin c'u quib ri aj pilisteyib pa Micmas,

Nabe Samuel 13:2

xebucha' oxib mil (3,000) ajch'ojab chquixo'l ri aj israelib. Quieb mil (2,000) xecanaj can ruc' pa Micmas xukuje' pa tak ri juyub ri e c'o pa Betel, ri jun mil (1,000) chic xecanaj ruc' ri Jonatan pa Gabaa aj Benjamin. E are' c'u ri niq'uiaj winak chic, ri Saul xuya' takanic chi chetzelej cho cachoch.

Nabe Samuel 14:23

Ri ch'o'j xopan c'ä pa Bet-aben ri Ajawaxel xebuto'tajisaj ri aj israelib pa we k'ijol ri'.

Nabe Samuel 14:52

Amak'el xeban cämisanelalaj tak ch'o'j che qui c'ulelaxic ri aj pilisteyib conojel ri k'ij ri xc'asi' ri Saul; rumal ri' ri Saul cucoj chquixo'l ri rajch'ojab apachique cowilaj achi ri man c'o ta cabirbob wi.

Nabe Samuel 17:1

Ri aj pilisteyib xequimulij ri cajch'ojab che ch'o'j, xquimulij c'u quib pa Soc, jun tinimit wa' re Juda, xquicholajij quib pa Epes-damim, ri c'o chuxo'l ri Soc ruc' ri Azec.

Nabe Samuel 7:13

Ri aj pilisteyib xech'äctajic man xeboc ta chi c'u pa ri culew ri aj israelib; aretak c'asal ri Samuel, ri Ajawaxel xuk'atij qui wäch ri aj pilisteyib.